विराटनगर । विराटनगरमा रहेको सम्राट स्पोर्टिङ क्लबले यस बर्षको मोरङ जिल्ला ए डिभिजन लिग बिजेता आफ्नो खेलाडीलाई सम्मान गरेको छ । विराटनगर ३ क्लवको भवनमा शनिबार विहान एक कार्यक्रम बिच खेलाडीहरुलाई सम्मान गरेको हो ।

लिग बिजेता खेलाडीहरुलाई कोशी प्रदेशका मुख्यमन्त्री हिक्मत कार्कीले सम्मान गरे । सम्मान कार्यक्रमका प्रमुख अतिथि हिक्मत कार्की, बिराटनगरका पुर्बप्रधान पन्च राम कृष्ण भट्टराई, क्लबका संरक्षक सन्तोष बानियाँ बिराटनगर महानगर वडा अध्यक्ष ३ बासु बस्नेत , पुर्ब वडा अध्यक्ष ३ बिनोद बस्नेत, युवा समाजसेवी कृष्ण कार्की लगायतको कार्यक्रम उपस्थिति रहेको थियो । कार्यक्रमको सभापति क्लबका अध्यक्ष किरण गिरिले गरेका थिए । खेलाडीहरुको मनोबल बढाउन सम्मान गरिएको अध्यक्ष गिरीले बताए ।
क्लबले मनोज चौहान, सांसद अमनलाल मोदि, रामकृष्ण भट्टराई, नरेश राठि, डम्बर राई, राजिब निरौला ,न्युरो हस्पिटल, एजेलिया स्कुल ,ओम शर्मा, कुमार खतिवडा र पारस हस्पिटल लाई पनि उक्त प्रतियोगित को लागि आर्थिक सहयोग गरेकोमा सम्मान गरेको छ। यस्तै कार्यक्रममा सर्कल अफ फिफ्थ म्युजिकल ब्याडलाई पनि सम्मान गरेको थियो ।

सम्राट स्पोर्टिङ क्लबले मोरङ जिल्ला ‘ए’ डिभिजन लिगको उपाधि जितेको छ । लेटाङको चार तारे क्लबलाई ट्राइब्रेकरमा ५–४ गोलअन्तरले पराजित गर्दै सम्राटले सोमबार उपाधिमाथि कब्जा गरेको थियो ।