लिग वानमा साविक विजेता पीएसजीको पहिलो जीत - News Birat

लिग वानमा साविक विजेता पीएसजीको पहिलो जीत

न्यूज विराट

एजेन्सी, १ असोज-फ्रेन्च लिग वान फुटबलमा पेरिस सेन्ट जर्मेन (पीएसजी) ले पहिलो जीत हात पारेको छ । पीएसजीले पहिलो जितका लागि तेस्रो खेल पर्खिनुपरेको हो ।

बुधबार राति भएको खेलमा पीएसजीले मेट्जमाथि १–० को कठिन जीत निकाल्यो । उनका लागि दोस्रो हाफको इन्जुरी समयमा जुलियन ड्राक्सलरले निर्णायक गोल गरेका थिए ।

लिगको सुरुवाती दुई खेलमा पीएसजी पराजित भएको हो । सन् १९८४–८५ को सिजनपछि पहिलो पटक पीएसजी लिगको सुरुवाती दुई खेलमा पराजित भएको हो । खेलको ६५ औं मिनेटमा अब्दु डायलो दोहोरो पहेलो कार्ड खादै मैदानबाट बाहिरिएपछि पीएसजी १० खेलाडीमा सीमित भएको थियो ।

घरेलु टोली पीएसजीले गोलकिपर किलोर नाभास, डिफेन्डर मार्किन्होस र फरवार्ड मौरो इकार्डीलाई बुधबारको खेलमा स्वागत गरेको थियो । पीएसजीका ७ खेलाडी कोरोना भाईरसको संक्रमण देखिएपछि एकान्तवासमा रहेका थिए ।

पीएसजीका मिडफिल्डर एन्जेल डी मारियाले गोलका केही अवसरहरु सिर्जना गरेपनि मेट्जका गोलकिपर एलेक्जेन्ड्रे ओकिडेजाले बचाउ गरेका थिए । जितसँगै पीएसजीले तालिकामा ३ अंक जोडेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles