आज २७३६ जनामा कोरोना, २२ संक्रमितको मृत्यु
काठमाडौं, २५ कात्तिक-गत २४ घण्टामा देशभर २ हजार ७ सय ३६ जनामा कोरोना संक्रमण पुष्टि भएको छ । योसँगै संक्रमितको कुल संख्या १ लाख ९९ हजार ७ सय ६० पुगेको छ । आज ८ सय...
मलेसियाबाट करिब डेढ महिनाअघि आएका रूपनी गाउँपालिका-५ स्थित गढियाका ४५ वर्षीय पुरुषको मृत्यु भएको छ । ती पुरुषमा एक्कासी ज्वरो र श्वास फेर्न गाह्रो भएपछि उपचारका लागि राजविराजस्थित गजेन्द्रनारायण सिंह अस्पताल ल्याइएकोमा त्यहाँ उपचार हुन नसकी धरान रेफर गरिएपछि बाटोमै मृत्यु भएको अस्पतालका मेडिकल सुपरिटेन्डेन्ट डा. रञ्जित झाले जानकारी दिए ।
त्यस्तै, १५ साउनमा राजविराजको छिन्नमस्ता अस्पतालमा भर्ना भएका २ जनाको पनि मृत्यु भएको छ । जिल्ला स्वास्थ्य कार्यालयका प्रमुख दुनियाँलाल यादवका अनुसार मृत्यु हुनेमा डाक्नेश्वरी नगरपालिका-९ का ७४ वर्षीय र राजगढ गाउँपालिकाका ७१ वर्षीय वृद्ध रहेका छन् । श्वास फेर्न गाह्रो भएपछि दुवैलाई उपचारका लागि अस्पतालमा भर्ना गरिएको थियो ।
