काठमाडौं, ७ साउन-आन्तरिक र बाह्य विमानहरूको उडान तयारीका अवस्थाका बारेमा संस्कृति, पर्यटन तथा नागरिक उड्डयन मन्त्री योगेश भट्टराईले त्रिभुवन अन्तर्राष्ट्रिय विमानस्थलको अनुगमन गरेका छन् ।

सरकारले १ भदौबाट राष्ट्रिय तथा अन्तर्राष्ट्रिय उडानहरू सुचारु गर्ने निर्णय गरेको छ । कोरोना भाइरस संक्रमणको जोखिम न्यूनीकरण गर्नका लागि सरकारले देशमा लकडाउन लागू गरेपछि उडान सेवासमेत प्रभावित भएको थियो ।

सरकारले सुरक्षाका उपाय अपनाएर राष्ट्रिय तथा अन्तर्राष्ट्रिय उडान खुल्ला गर्ने निर्णय गरेपछि विमानस्थलको अवस्थाका बारेमा अवलोकन मन्त्री भट्टराई विमानस्थलमा पुगेको मन्त्रीको सचिवालयले जानकारी दिएको छ । उनले विमानस्थलको सुधारलगायतका कामका बारेमा जानकारी लिएका थिए ।

अनुगमनका क्रममा नागरिक उयड्डयन प्राधिकरणका प्रमुख राजन पोखरेल, त्रिभुवन विमानस्थलका प्रमुख देवेन्द्र केसी र विमानस्थलका प्राविधिक कर्मचारीहरूको पनि सहभागिता रहेको थियो ।