प्रदेश २ मा आज मात्रै ४५ जना संक्रमित थपिए - News Birat

प्रदेश २ मा आज मात्रै ४५ जना संक्रमित थपिए

न्यूज विराट

जनकपुरधाम, १४ जेठ-प्रदेश २ मा आज ४५ जना कोरोना भाइरस संक्रमित थपिएका छन् । राष्ट्रिय जनस्वास्थ्य प्रयोगशाला टेकु र हेटौँडा प्रयोगशालामा गरिएको परीक्षणको क्रममा ४५ जनाको रिपोर्ट पोजेटिभ आएको हो ।

जसमध्ये ३८ जनाको स्वाब टेकुस्थित प्रयोगशालामा परीक्षण गरिएको थियो भने बाँकी ७ जनाको हेटौंडाको प्रयोगशालामा परीक्षण गरिएको हो । संक्रमितहरूमध्ये रौतहटका मात्रै ३५ जना रहेका छन् ।

एक स्वास्थ्यकर्मीसहित बारामा बुधबार ८ नयाँ कोरोना संक्रमित थपिएका छन् । पचरौता नगरपालिकाको क्वारेन्टाइनमा कार्यरत स्वास्थ्यकर्मीसहित ८ जनामा कोरोना पुष्टि भएको हो ।

उनीहरूको स्वाब परीक्षण राष्ट्रिय जनस्वास्थ्य प्रयोगशालामा गरिएको थियो । संक्रमितमध्ये अहेब पदका स्वास्थ्यकर्मी रौतहटका हुन भने अन्य ७ पचरौता नगरपालिका१, २, ५ र ७ का हुन् । संक्रमित हुनेमा १ महिलासमेत रहेकी छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles