वैदेशिक रोजगारमा गएका मोरङका १५ जनाको विदेशमा मृत्यु
विराटनगर । चालु आर्थिक वर्षको सात महिनामा मोरङबाट १३ हजार भन्दा बढी वैदेशिक रोजगारमा गएका मध्ये १५ जनाको मृत्यु भएको पाइएको छ । मृत्यु भएको मध्ये ११ जना पुरुष र ४ जना महिला रहेका छन्...
विराटनगर, ५ असार-प्रदेश १ बाट शुक्रबार १० जना कोरोना जितेर अस्पतालबाट डिस्चार्ज भएका छन् । कोशी अस्पताल कोभिड-१९ उपचार केन्द्रमा उपचाररत १० जना उपचारपछि डिस्चार्ज भएका हुन् ।
डिस्चार्ज हुनेमा खोटाङ, सुनसरीका ३/३, उदयपुर र मोरङका २/२ जना रहेका छन् । डिस्चार्ज भएका २१ देखि ४० वर्ष उमेर समूहका ४ महिला र ६ पुरुष रहेका छन् ।
आज डिस्चार्ज भएकाहरू २१ जेठदेखि २५ गतेसम्म अस्पतालमा भर्ना भएका रहेको कोशी अस्पताल कोभिड उपचार केन्द्र व्यवस्थापन समितिका सदस्य ध्रुव उरावले जानकारी दिए । योसँगै प्रदेश १ मा कोरोना जितेर घर फर्कंनेको संख्या २ सय ३४ पुगेको छ ।
प्रदेश १ मा संक्रमितको संख्या ४ सय २२ रहेको छ । आज झापाको दमक र मोरङको बुढीगंगामा १÷१ जना थपिएका छन् । विराटनगर, सुन्दरहरैचा र धरानमा अहिले १ सय ८८ जना उपचाररत छन् ।
कोशी कोभिड विराटनगरमा २५ जना, पूर्वाञ्चल विश्वविद्यालय आइसोलेसन सेन्टर सुन्दरहरैचामा ८५ र वीपी कोइराला स्वास्थ्य विज्ञान प्रतिष्ठान धरानमा ७८ जना उपचाररत रहेका छन् । आज संक्रमण देखिएका दुवै जनालाई विराटनगर ल्याइएको छ ।
