जनकपुर, १९ जेठ-प्रदेश २ मा कोरोना संक्रमित संख्या ६ सय १३ पुगेको छ । पछिल्लो २४ घण्टामा यस प्रदेशका ४ जिल्लाका ६४ जना नयाँ संक्रमित थपिएपछि सो संख्या पुगेको हो ।

पछिल्लो समयमा रौतहटबाट २८, धनुषाबाट २१, सर्लाहीबाट १० र पर्साबाट पाँचजना थपिएको समाजिक विकास मन्त्रालयका सचिव डा. रामप्रसाद घिमिरेले आइतबार सम्मेलनमार्फत् जानकारी गराए । थपिएका नयाँ सङ्क्रमितमध्ये अधिकांश भारतको गुजरात लगायतका ठाउँबाट आएपछि क्वारेन्टाइनमा राखिएको थियो ।

थपिएका ६४ जनामध्ये धनुषाको जनकपुरस्थित गोपाल धर्मशालास्थित क्वारेन्टानका १९, १९, २०, २१, २३, २४, २७, २७ र २७ वर्षीय गरी ९ जना पुरुष, मुखियापट्टि मुसहरनियास्थित तुलसियाही क्वारेन्टानका २४, २५, २६, २७, २८, ३०, ४५, ४६, ३५, ३५, ३५ वर्षका गरी ११ पुरुष र गणेशमान चारनाथ नगरपालिका-४ स्थित दुखनीदेवी नर्सिङहोमका १ जना २१ वर्षीय पुरुष छन् ।

त्यस्तै, सर्लाहीको हरिपुरस्थित क्वारेन्टिनका १५, २४, ३४, ५०, ४० र एकजना उमेर नखुलेका पुरुष गरी ७  र ब्रह्मपुरीस्थित रामविलास मावि क्वारेन्टिनका २५, २८ र ४८ वर्षको पुरुष गरी ३ जना छन् ।

यसैगरी, रौतहटका दुर्गाभगवती गाउँपालिकास्थित गङ्गापिपरा मावि क्वारेन्टिनका १७, २२, २३, २९, ४५, ३५, ४०, २५ र २५ वर्षका गरी ८ जना पुरुष छन् ।

इशनाथ नगरपालिका-७ स्थित क्वारेन्टिनका २०, २०, १७, १९, २१, २२, २४,२७, ३६, ४५ र ५० वर्षका गरी ११ पुरुष र सोही नगरपालिका-८ का जोगहा मदरसा क्वारेन्टानका ४, ८, १२ वर्षका ३ बालकका साथै ३०, ३०, १८, २२, ४५ र ५२ वर्षका गरी नौजना छन् ।

सोही अनुरुप, पर्साको पर्टेवास्थित क्वारेन्टानका एक २५ वर्षीया महिलाका साथै २२, २२, २५ र ३६ वर्षका पुरुष गरी ५ जना सङ्क्रमित पुष्टि भएको हो ।