काठमाडौं, ३ जेठ-निबार स्वास्थ्य मन्त्रालयले कोरोना संक्रमित भने पुष्टि गरेका २ जना नेपाली सेनामा कार्यरत रहेको खुलेको छ । उनीहरू १ जना महोत्तरीका ५२ वर्षीय पुरुष र काभ्रेका २६ वर्षीय युवक हुन् । उनीहरू मध्यपूर्वी पृतना, महोत्तरीमा कार्यरत रहेको नेपाली सेनाका प्रवक्ता विज्ञानदेव पाण्डेले बताए । उनीहरूलाई काठमाडौंमा रहेको सशस्त्र प्रहरीको कोभिड-१९ अस्पतालमा ल्याउने तयारी सुरु गरिएको प्रवक्ता पाण्डेले जानकारी दिए ।

‘मध्यपूर्वी पृतना, महोत्तरीमा कार्यरत २ जनामा संक्रमण पुष्टि भएको छ’ उनले भने ‘उहाँहरूलाई एपीएफको अस्पतालमा ल्याउन प्रकिया सुरु गरिएको छ ।’ साथै उनीहरूको कन्ट्रयाक ट्रेसिङको काम पनि सुरु गरिएको प्रवक्ता पाण्ड‍ेले बताए । योसँगै नेपालमा कोरोना संक्रमितको संख्या २ सय ७८ पुगेको छ । जसमा अहिलेसम्म ३६ जना संक्रमित निको भएर घर फर्किएका छन् ।