काठमाडौं, २ जेठ-सरकारले चिनौँ आफ्नो माटो, आफ्नो माटो बनाए आफ्नै देश कार्यक्रम अघि बढाउने जनाएको छ । राष्ट्रपति विद्यादेवी भण्डारीले आगामी आर्थिक वर्षको नीति तथा कार्यक्रम प्रस्तुत गर्दै यस्तो बताएकी हुन् । यो कार्यक्रमअन्तर्गत स्नाकोत्तर गरेका विद्यार्थीलाई मुलुकभर परिचालन गरिने कार्यक्रम रहेको छ ।

नवप्रवर्तनका कार्यक्रम प्रोत्साहन गरिने उल्लेख गरिएको छ । नवप्रवर्तनको कार्यक्रमलाई सुरुवाती पुँजी उपलब्ध गराइने जनाइएको छ ।राष्ट्रपति शैक्षिक सुधार कार्यक्रम सञ्चालन गरिने उल्लेख गरिएको छ । योगमाया आयुर्वेद विश्‍वविद्यालय सञ्चालनको लागि आवश्‍यक तयारी गरिने उल्लेख गरिएको छ ।