काठमाडाैं, २९ वैशाख-दक्षिणी छिमकी भारतबाट पटक-पटक सीमा अतिक्रमण भइरहेको विषयमा गम्भीर कदम चाल्नुपर्नेमा सांसदहरूले जोड दिएका छन् । कतिपय सांसदले त भारतसँग जोडिएका सीमानामा पर्खाल लगाउने काम अघि बढाउनसमेत सरकारलाई सुझाएका छन् ।

सोमबार प्रतिनिधिसभाको अन्तर्राष्ट्रिय श्रम सम्बन्ध समितिको बैठकमा पूर्वप्रधानमन्त्री, पूर्वमन्त्री, सांसदलगायतले सीमाको विषयमा ‘फुर्सदमा छलफल गरौंला’ भनेर नबस्न भन्दै सरकारको ध्यानाकर्षण गराएका हुन् ।