काठमाडौं, १२ वैशाख-महानगरीय प्रहरी परिसर काठमाडौंको प्रमुखमा एसएसपी श्यामलाल ज्ञवाली र अपराध महाशाखामा एसएसपी दीपक थापाको सरुवा गरेको छ । प्रहरी प्रधान कार्यालयको सिफारिसमा गृहमन्त्रालयले आज सरुवा गरेको हो ।

परिसर काठमाडौंका एसएसपी उत्तमराज सुवेदी र महाशाखाका एसएसपी सहकुल थापा डीआईजीमा बढुवा भएपछि दुवै ठाउँ रिक्त थियो ।ज्ञवाली प्रहरी महानिरीक्षक (आइजीपी) ठाकुर ज्ञवालीका सहोदर भाइसमेत हुन् । ज्ञावली रानीपोखरी प्रहरी कार्यालयमा कार्यरत थिए भने थापा प्रहरी प्रधान कार्यालय थिए ।