सुदूरपश्चिमका पहिलो कोरोना संक्रमित धनढीका ३४ वर्षीय अमृत शाही सेती प्रादेशिक अस्पतालबाट डिस्चार्ज भएका छन् । धनगढी उप–महानगरपालिका-५ का शाहीकोको लगातार २ पटकसम्म कोरोना परीक्षण रिपोर्ट नेगेटिभ आएपछि अस्पतालले मंगलबार डिस्चार्ज गरेको छ।

उनी २५ दिनसम्म अस्पतालमा उपचार गराएपछि डिस्चार्ज भएका हुन् । दुबईबाट आएका उनमा चैत १४ गते कोरोना पुष्टि भएको थियो । यसअघि सेतीमै उपचाररत लम्कीका २१ वर्षीय संक्रमित युवक पनि डिस्चार्ज भएका थिए । अब सेतीमा २ जना संक्रमितको उपचार भइरहेको अस्पतालले जनाएको छ ।