पोखरा, २ वैशाख-पोखरा महानगरपालिकाले कास्कीका ४ वटै गाउँपालिकालाई स्वास्थ्यकर्मीले प्रयोग गर्ने व्यक्तिगत सुरक्षा सामग्री पीपीई प्रदान गरेको छ । पोखरा महानगरपालिकाले रूपा, मादी, अन्नपूर्ण र माछापुच्छ्रे गाउँपालिकालाई १०/१० थान पीपीई मंगलबार प्रदान गरेको हो ।

पोखरा महानगरपालिकाका प्रमुख मानबहादुर जिसीले अन्नपूर्ण गाउँपालिकाका अध्यक्ष युवराज कुँवरलाई पिपिई सामाङग्री हस्तान्तरण गरेका छन् । त्यसैगरी, उपप्रमुख मञ्जुदेवी गुरुङले माछापुच्छ्रे गाउँपालिका वडा नम्बर २ का अध्यक्ष विक्रम गुरुङलाई र प्रमुख प्रशासकीय अधिकृत ध्रुवकुमार पोखरेलले रूपा गाउँपालिकाका प्रमुख प्रशासकीय अधिकृत विष्णु पोखरेललाई पीपीई सामाग्री हस्तान्तरण गरेका हुन्।

यस्तै, मादी गाउँपालिकाका प्रमुख प्रशासकीय अधिकृत नारायण सापकोटासमेतलाई सामग्री हस्तान्तरण गरिएको छ । पोखरा महानगरपालिकाका प्रमुख जिसीले कास्कीका स्थानीय तहको नेतृत्वदायी भूमिका निर्वाह गर्न र दुःखमा साथ दिन पोखरा महानगर साथमै छ भन्ने सन्देश दिन सामग्री हस्तान्तरण गरेको बताए ।