नेपालमा रहेका बेलायती नागरिक बुधबार (आज) फर्कंदै छन् । बेलायती नागरिक लैजानका लागि बुधबार दिउँसो १२ बजे टाइटन एयर काठमाडौं आउँदै छ ।

उक्त एयरले चार्टर उडान गर्न नागरिक उड्डयन प्राधिकरणबाट अनुमति लिएको छ । टाइटनले ३ सय यात्रु बोकेर फर्कंदै छ । त्यस्तै, लकडाउनपछि कतार एयरले नेपालबाट आफ्नो छैटौँ चार्टर उडान पनि गर्दै छ ।

जर्मन दूतावासले गरेको चार्टरमा उसले जर्मनी र युरोपेली मुलुकका नागरिक लिएर फर्कन लागेको हो । कतार एयर ११ बजे आएर १२ बजे फर्कंदै छ । बुधबारको समेत उडानपछि लकडाउनको अवधिमा विमान चार्टर गरेर करिब २ हजार ६ सय विदेशी नागरिक फिर्ता गएका छन् ।