काठमाडौं, फागुन २२–प्रहरीले किशोरीमाथि यौन दुराचार गरेको अभियोगमा एक बौद्ध धर्मका धर्मगुरुलाई पक्राउ गरेको छ । पक्राउ पर्नेमा अस्ट्रेलियन नागरिक गोविन्द रिन्बोचे छन् । उनलाई महानगरीय प्रहरी वृत्त बौद्धको टोलीले गोकर्णेश्वर नगरपालिकाको कदम्बा बुद्धिष्ट प्रतिष्ठानबाट पक्राउ गरेको हो ।

उनी सोही प्रतिष्ठानका प्रमुख रहेको महानगरीय प्रहरी वृत्तका प्रमुख प्रहरी नायव उपरीक्षक (डीएसपी) रमेशबहादुर सिंहले जानकारी दिए । उनीमाथि एक १७ वर्षीया किशोरीले आफूमाथि यौन दुराचार गरेको अभियोगमा बुधबार जाहेरी दिएपछि बिहीबार पक्राउ गरिएको डीएसपी सिंहको भनाइ छ । उनीमाथि थप अनुसन्धान भइरहेको प्रहरीले जनाएको छ ।