विराटनगर, माघ १६–मोरङ र सुनसरीका दुई छुट्टाछुट्टै स्थानमा भएको सवारी दुर्घटनामा २ जनाको मृत्यु भएको छ । बुधबार राती मोरङको कटहरी गाउँपालिका–७ होडियारीमा पुर्वबाट पश्चिमतर्फ जाँदै गरेको को १ त २५८९ नम्बरको ट्याक्टरबाट लडेर गम्भीर घाइते भएका थिए ।

स्थानीय २२ बर्षीय अडताल मोडियारीलाई उपचारको लागि कोशी अस्पताल बिराटनगर लैजादैं गर्दा बाटोमै मृत्यु भएको जिल्ला प्रहरी कार्यालय मोरङले जनाएको छ । त्यस्तै, सुनसरीको इटहरी–१७ मा भएको मोटरसाइकल दुर्घटनामा भोजपुरको पात्लेपानी गाउँपालिका–५ का २० बर्षीय कौशल राईको मृत्यु भएको छ । बिहिबार विहान पौने २ बजेको समयमा पुर्वबाट पश्चिम जाँदै गरेको वानटेष्ट मोटरसाइकल आफैं अनियन्त्रित भई दुर्घटना हुँदा गम्भिर घाईते भएका राईको विराटनगर स्थित बिराट नर्सिङहोममा उपचारको क्रममा मृत्यु भएको प्रदेश प्रहरी कार्यालय विराटनगरले जनाएको छ ।