विराटनगर । वनिता साहित्यिक पत्रिकाले यस वर्षको ‘वनिता विशेष वसुश्री–मधु पुरस्कार’ कवि एवं पत्रकार मीनकुमार नवोदितलाई प्रदान गर्ने भएको छ ।
पत्रिका सञ्चालक समितिको बैठकले नवोदितलाई नगदसहित पुरस्कृत गर्ने निर्णय गरेको हो । युवा वर्ष मोती पुरस्कार, दक्षिण एशियाली मकालु प्लाटिनम जुबिली युवा साहित्यिक पत्रकारिता सम्मानलगायत चार दर्जनभन्दा बढी पुरस्कार र सम्मान प्राप्त गरिसकेका नवोदितका तीनवटा कवितासंग्रह प्रकाशित छन् ।
साहित्य र पत्रकारितालाई सँगसँगै अगाडि बढाइरहेका नवोदितलाई नगद राशिसहित सम्मानपत्र प्रदान गरिने वनिताले जनाएको छ । आगामी वैशाख ५ गते काठमाडौंमा आयोजित विशेष समारोहमा नवोदितलाई सो पुरस्कार प्रदान गर्ने कार्यक्रम रहेको विज्ञप्तिमार्फत वनिता पत्रिकाले जनाएको छ ।