विराटनगर । खोटाङ सामाजिक सेवा मञ्चको आयोजनामा विराटनगरमा एक भव्य साहित्यिक रचना वाचन तथा सम्मान कार्यक्रम सम्पन्न भएको छ। मञ्चका अध्यक्ष कृष्णप्रसाद भण्डारी मार्सेलीको अध्यक्षतामा सञ्चालित कार्यक्रममा वरिष्ठ साहित्यकार बलराम पोखरेल प्रमुख अतिथिका रूपमा उपस्थित
रहेका थिए ।
कार्यक्रममा साहित्यकार भूषण ढुङ्गेल र कविराज न्यौपानेले शुभकामना मन्तव्य राखेका थिए । नेपाल प्रज्ञाप्रतिष्ठानद्वारा आयोजित विगतका कविता महोत्सवमा पुरस्कृत इटहरी निवासी टिका आत्रेय र इनरुवा निवासी कृपाकरुणा पोखरेलले विशेष कविता वाचन गरेका थिए।
यसैगरी बाबुराम पोखरेल, यल.पी. पराजुली, केसु विरही, नवराज नवशिला लगायत चार दर्जनभन्दा बढी साहित्यकारहरूले आ–आफ्ना रचना प्रस्तुत गरेका थिए।
खोटाङ सामाजिक सेवा मञ्चले आफ्नो परम्परा अनुरूप यसपटक अग्रज साहित्यकार डा. सुशीला कोइराला भण्डारीलाई उननै निवासमा गएर विशेष सम्मान गरेको छ।
कार्यक्रममा लक्ष्मी रायमाझी खड्काले स्वागत मन्तव्य राख्नुभएको थियो भने लक्ष्मी पोखरेलले कार्यक्रम सञ्चालन गरेका थिए ।