काठमाडौंमा १५ हजार ८ सय ६३ जना सक्रिय संक्रमित - News Birat

काठमाडौंमा १५ हजार ८ सय ६३ जना सक्रिय संक्रमित

न्यूज विराट
काठमाडौं, १८ कात्तिक-काठमाडौं उपत्यकामा पछिल्लो २४ घण्टाको अवधिमा १ हजार ४ सय ६८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं उपत्यकामा ८ सय १९ जना पुरुष र ६ सय ४९ जना महिला संक्रमित थपिएका हुन् ।

काठमाडौंमा कुल संक्रमितको संख्या ६५ हजार ७ सय ८८ मध्ये सक्रिय संक्रमितको संख्या १५ हजार ८ सय ६३ पुगेको छ । ४९ हजार ६ सय ७६ जना निको भएका छन् भने २ सय ४९ जनाको निधन भएको मन्त्रालयले जनाएको छ ।

त्यस्तै, भक्तपुरमा ५ हजार ९ सय ६६ जनामा संक्रमण देखिएकोमा ४ हजार ८ सय ७९ जना निको भएका छन् भने १ हजार १९ जना सक्रिय संक्रमित रहेका छन् । ६८ जनाको निधन भएको छ ।

त्यसैगरी ललितपुर जिल्लामा ९ हजार ३ सय १४ जनामा संक्रमण पुष्टि भएकोमा ६ हजार ९ सय ८७ जना निको भएका छन् भने २ हजार २ सय ६४ जना सक्रिय संक्रमित रहेका छन् । ललितपुरमा ६३ जनाको निधन भएको छ ।

मन्त्रालयका अनुसार काठमाडौंमा १० हजार ८ सय ३०, भक्तपुरमा १ हजार ७ सय ३० र ललितपुरमा २ हजारर १ सय ९६ जना होम आइसोलेसनमा बसेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles