विराटनगर। विनायक बोर्डिङ सेकेण्डरी स्कुलको विनायक स्काउट ट्रुपद्वारा आयोजित स्काउट एक रात दुई दिनको क्याम्प २०८१ को आज उद्घाटन भएको छ।

स्काउटिङ मार्फत शान्ति र एकता भन्ने मूल नाराका साथ आयोजित यस क्याम्पको उद्घाटन प्रमुख अतिथि प्याब्सन विराटनगरका अध्यक्ष अर्जुन श्रेष्ठले गरे । स्काउटिङले युवाहरूलाई अनुशासन, एकता र सामाजिक सेवाको भावना सिकाउने अध्यक्ष श्रेष्ठले बताए। उनले स्काउट क्याम्पले विद्यार्थीहरूलाई नेतृत्व क्षमता विकास गर्न र सामाजिक जिम्मेवारी बोध गराउन महत्वपूर्ण भूमिका खेल्ने बताए।

कार्यक्रममा प्याब्सन विराटनगरका उपाध्यक्ष अशोक लामा, समाजसेवी अमृत गुरुङ, सामाजिक अभियन्ता दीपक कर्णलगायतले स्काउटिङको महत्व र यसले समाजमा पार्ने सकारात्मक प्रभावबारे प्रकाश पारे।

३४ जना विद्यार्थी सहभागि रहेको क्याम्प आज राती क्याम फायर हुने छ । शनिबार विद्यार्थीहरूले विभिन्न स्काउटिङ गतिविधिहरूमा सहभागिता जनाउँने छन्।

विनायक स्काउट ट्रुपले आयोजना गरेको यस स्काउट क्याम्पले विद्यार्थीहरूमा आपसी सहयोग, एकता र अनुशासनको भावना विकास गर्ने लक्ष्य राखेको स्कुलका संस्थापक निर्देशक कमलेश ठाकसरले बताए ।