विराटनगर । तेली कल्याण समाज नेपालले स्वास्थ्यकर्मीहरुको छुट्टै तदर्थ समिति गठन गरेको छ । विराटनगरमा भएको संघको प्रथम अधिवेशनले उक्त समिति गठन गरेको हो । समितिको अध्यक्षमा विराट मेडिकल कलेजमा कार्यरत नेफ्रोलोजिष्ट डाक्टर दिलिप कुमार साह रहेका छन् ।
त्यसैगरी वरिष्ठ उपाध्यक्षमा वैद्यनाथ साह, उपाध्यक्षहरुमा डा. अम्बिका साह र हरीशंकर साह, सचिवमा सज्जन साह, सहसचिव तेज नारायण साह, कोषाध्यक्षमा जगत लाल साह, सहकोषाध्यक्ष रञ्जन कुमारी साह रहेका छन् । सदस्यहरुमा नरेश कुमार साह, विजय कुमार साह, जय नारायण साह, डा. अमित प्रताप साह, डा. सचिदानन्द साह, दिविशा साह, शारदा भवानी, सुमन साह, मनोज कुमार साह र डा. अरविन्द साह रहेका छन् ।
मधेशी सामुदायमा थुप्रै स्वास्थ्यकर्मीहरु हुनु गर्वका विषय भएको बताउदै आफ्नो कुल बंशको गरिमा कायम राख्न, संस्कार, संस्कृति र पहिचान जोगाउन लाग्नुपर्ने तेली कल्याण समाजका अध्यक्ष डा. बालकृष्ण साहले बताए । नवनिर्वाचित अध्यक्ष डा. दिलिप कुमार साहले आफ्नो समाजको उत्थान तथा सेवाका निमित्त आफू र आफ्नो समिति सदैव सकृय रहने बताए ।
कार्यक्रममा तेली कल्याण समाज, झापा जिल्ला सल्लाहकार डा. सुर्य नारायण साह, मोरङ जिल्ला सहसचिव सन्तोष साह, सदस्यहरु गणेश कुमार साह, शत्रुधन साह, विराटनगर अध्यक्ष सञ्जय कुमार साह, लगायतको सहभागिता रहेको थियो ।