विराटनगर । विराटनगर – १५ दिपज्योती टोलमा रहेको मदर मैरी ईङलिस स्कुलले रजत जयन्ती मनाएको छ । ।
स्कुल परिसरमा बिहीबार एक कार्यक्रम आयोजना गरी रजत जयन्ती मनाएको हो ।
कार्यक्रममा बोल्दै प्रमुख अतिथि धनपालथान गाउँपालिका अध्यक्ष जिवछ प्रसाद गच्छदारले विद्यार्थीहरुलाई गुणस्तरीय शिक्षा सँगै जीवन उपभोगी शिक्षा दिनुपर्नेमा जोड दिए । अहिलेको आवश्यकता संस्कार र सीपसहितको जीवन उपयोगी शिक्षा भएको चर्चा गर्दै उनले विद्यार्थीहरुलाई व्यवहारिक शिक्षा दिएर अगाडी बढनुपर्ने बताए । कार्यक्रममा बोल्दै मदर मैरी ईङलिस स्कुका प्रिन्सिपल जय प्रकाश रायले विद्यार्थीहरुलाई गुणस्तरीय शिक्षा दिएर अगाडी बढेको बताए ।
कार्यक्रममा प्याब्सन मोरङका उपाध्यक्ष बिष्णु डंगोल, प्याब्सन विराटनगरका अध्यक्ष अर्जुन श्रेष्ठलागयतको उपस्थिती रहेको थियो । कार्यक्रममा विद्यार्थीहरुले नृत्य र गायन प्रस्तुत गरेर थप मनोरञ्जन प्रदान गरेका थिए ।