विराटनगर । निजी तथा आवासीय विद्यालय अर्गनाइजेसन (प्याब्सन) मोरङको नवनिर्वाचित कार्यसमितिको सपथ ग्रहण तथा पदस्थापन भएको छ । प्याब्सन मोरङको सभाहलमा मंगबलार एक कार्यक्रम आयोजना गरी पदस्थापन गरिएको हो ।

नवनिर्वाचित पदाधिकारी, कार्यसमिति सदस्यहरुलाई सपथ निर्वाचन अधिकृत डा. उद्धव थापाले गराएका थिए ।
शुक्रबार राति सम्पन्न १६ औं जिल्ला अधिवेशनबाट प्याब्सन मोरङको अध्यक्षमा जगत बहादुर बस्नेत निर्वाचित भएका छन् । त्यसैगरी वरिष्ठ उपाध्यक्षमा मोहन बुढाथोकी, उपाध्यक्षमा बिष्णु डंगोल, सचिवमा देवी सिटौला, कोषाध्यक्षमा मणिराज भट्टराई, सह–सचिवमा दीपेन्द्र राई (दिपेन) र सह–कोषाध्यक्षमा केदार पौडेल निर्वाचित भएका छन् ।
त्यसैगरी सदस्यहरुमा महेन्द्र मण्डल, नन्दलाल मण्डल, तेजबहादुर खत्री, रुद्र थापा, इन्द्रकुमार राई, हिराबहादुर मगर र तिलक राई निर्वाचित भएका छन् ।
पदस्थापन कार्यक्रमको प्रमुख अतिथि प्याब्सनको राष्ट्रिय निर्वतमान अध्यक्ष टिकाराम पुरी, उपाध्यक्ष राजेश कुमार दास, प्याब्सन कोशी प्रदेशका अध्यक्ष टिकाराम ढकाल, प्याब्सन मोरङका निर्वमतान अध्यक्ष प्रेमलाल सिंहसुवाललगायतको उपस्थिती रहेको थियो ।