कोरोनाले आमापछि छोराको मृत्यु
भक्तपुर, १७ भदौ-कोरोना भाइरस संक्रमणबाट ६२ वर्षीया आमाको मृत्यु भएको ४ दिनमा ४० वर्षीय छोराको पनि मृत्यु भएपछि मध्यपुरथिमि नगरपालिका–७, नगदेश निवासी संक्रमित परिवारका अन्य ६ जना निकै विचलित भएका छन् । यही १३ भदौमा...
विराटनगर । निर्माण व्यवसायीहरुले काम गरेको भुक्तानी राज्यले तत्काल दिनुपर्ने माग राखेका छन् । लामो समयदेखिको बक्यौता भुक्तानी नभएको भन्दै असन्तुष्टि जनाएको उनीहरुले विराटनगरमा सोमबार पत्रकार सम्मेलन गरी काम गरेर बिल पेश गरेको भुक्तानी तत्काल दिन माग राखेका हुन् ।
दुई साताअघि दसैंअगावै बक्यौता भुक्तानी राफसाफ गर्ने प्रतिबद्धता गरिएकोमा अन्तिम समयमा उपप्रधानमन्त्री तथा अर्थमन्त्री विष्णुप्रसाद पौडेलले छलफल गरेका गरेका थिए । अर्थमन्त्री पौडेलले दसैंअघि नै बाँकी रकम भुक्तानी गर्न प्रयासरत भएको बताएका थिए । अहिलेसम्म भुक्तानी नपाएपछि तत्काल दिन माग गरिएको महासंघको उपाध्यक्ष आङदोर्जे लामाले सरकारले नै भुक्तानी नगरेको कारण निर्माण व्यवसाय मार्कामा परेको बताए । दुई महिनाअघि बक्यौता भुक्तानी नपाएको भन्दै विभिन्न क्षेत्रमा निर्माण व्यवसायीहरूले आन्दोलन गरेका थिए । फेरी पनि भुक्तानी नपाए आन्दोलनमा उत्रिन बाध्य हुने उनले बताए ।
उनले विगतको सबै भुक्तानी र चालु वर्षमा भएको कामको भुक्तानी सुनिश्चितता नभएसम्म थप ठेक्का प्रक्रिया अघि बढाउन नसकिने बताए ।
छलफलका क्रममा निर्माण व्यवसायीहरूले पुरानो भुक्तानी क्लियर नगरेसम्म नयाँ ठेक्का नलगाउन आग्रह गरेका छन् ।
निर्माण व्यवसायीले सरकारलाई बिल उपलब्ध गराएको रकम मात्रै ४५ अर्ब बढी रहेको बताएका छन् । त्यस्तै, उपलब्ध गराउनु पर्ने बिल र म्याद थपपछिको दायित्वसमेत जोड्दा एक खर्ब बढी पुग्ने उनीहरूको दाबी छ ।
सरकारको कारणले गर्दा काममा ढिलो हुने गरेको उनले बताए । राज्यले तयारी बेगार ठेक्का लगाएको कारणले निमार्ण व्यवसायीहरु समस्या परेको उनको भनाई छ ।
