विराटनगर । विराटनगर २ सोमबारे हाट शंकरपुरस्थित मोरङ सहकारी हस्पिटलमा न्यूरो सर्जरीको उपचारका लागि भरपर्दो गन्तव्य बनेको छ ।
अत्याधुनिक उपकरण र चर्चित न्यूरो सर्जर चिकित्सकसहितको टिम दुवैको संयोजन मिलेका कारण मोरङ सहकारीमा न्यूरो सर्जरीको उपचार भरपर्दो हुने भएको हो ।
अस्पतालका न्यूरो सर्जन डा. सिलकराम चौधरी र डा. सीतश कुमार शाहले न्यूरो सर्जरी सेवा विरामीलाई दिने गरेका छन् ।अनुभवी चिकित्सकद्धोय चौधरी र शाहले अस्पतालको आधुनिक उपकरणहरुबाट विरामीलाई सेवा प्रदान गर्दै आएका छन् । गुणस्तरीय सेवा प्रदान गरेर विरामीको मन जित्ने अस्पतालले जनाएको छ ।

स्वास्थ्य बीमा कार्यक्रम पनि रहेको मोरङ सहकारीमा चर्चित चिकित्सकहरुबाट विशेषज्ञ सेवाहरु रहेको छ । एक सय शैय्याको जेनेरल हस्पिटलमा सम्पूर्ण स्वास्थ्य सेवाहरू रहेको छ । आर्थिक अवस्था नाजुक भएका घर परिवारहरूलाई लक्षित गरि हस्पिटलमा स्वास्थ्य बिमा कार्यक्रम लागू गरिएको अस्पतालका संचालक बिकास अधिकारीले बताए । ‘मोरङ सहकारी हस्पिटल सहकारी अन्तर्गतको अस्पताल पनि हो । त्यही भएर पनि आर्थिक विपन्न परिवारलाई लक्षित गरी हामीले स्वास्थ्य बीमा कार्यक्रम चलीरहेको छ,’ उनले भने, ‘अहिले थप न्यूरो सर्जरी सेवा पनि सुरु भएको छ ।’