विराटनगर । विराटनगरमा विश्व मुटु दिवस मनाइएको छ । आइतबार विराट मेडिकल कलेज शिक्षण अस्पतालको सहकार्यमा रोटरी क्लब अफ विराटनगर डाउनटाउनको आयोजनामा विश्व मुटु दिवस मनाइएको हो ।

सो अवसरमा मानिसको महत्वपूर्ण शारीरिक अंग मुटुलाई कसरी स्वस्थ राख्ने भन्ने विषयमा प्रकाश पारिएको थियो ।

तनाव व्यवस्थापन, आहार परिवर्तन र जीवनशैली मार्फत आफ्नो मुटुलाई कसरी स्वस्थ राख्ने भन्ने बारे बताइएको थियो । हृदय रोग विशेषज्ञ डा. प्रशान्त शाहले मानिसको मुटु स्वस्थ राख्ने उपायबारे प्रकाश पारेको रोटरी क्लब अफ विराटनगर डाउनटानकी अध्यक्ष मञ्जु अग्रवालले जानकारी दिइन् ।

कार्यक्रममा रोटरी क्लब अफ विराटनगर डाउनटाउनका पदाधिकारी र सदस्यहरुको बाक्लो उपस्थिती रहेको थियो ।