विराटनगर । नेपाल औषधी व्यवसायी संघ मोरङका अध्यक्ष देशबन्धु ढकालले ५१ औँ जन्मदिन मानव सेवा आश्रममा मनाएका छन् । विराटनगरस्थित मानव सेवा आश्रममा बिहीबार आश्रममा आश्रित बुवाआमालाई खाना खुवाएर आफ्नो जन्मदिन मनाएका हुन् ।

विगतका वर्षहरुमा पनि वृद्ध आश्रम, बाल आश्रममा जन्मदिन मनाउँदै आएको बताउने ढकालले यो वर्ष मानव सेवा आश्रममा जन्मदिन मनाएको बताए । मानव सेवा आश्रमले सडकमा जीवन विताउँदै आईरहेका मानिसहरुलाई सेवा पु¥याउँदै आईरहेको छ । उक्त आश्रमले अर्धचेत अवस्थाका आमाबुवा हेरचाह गर्दे आएको छ ।

आगामी दिनमा मानव सेवा आश्रमले सडक मानव मुक्त क्षेत्र घोषणा गर्ने प्रतिवद्धता लिएर अगाडि बढीरहेका बेला आफ्नो उक्त आश्रममा आश्रित आमाबुवाहलाई खुशी बनाउने उद्देश्यले जन्मदिन आश्रममा मनाएको अध्यक्ष ढकालले बताए । ढकालले बिहानको भोजन र मानव सेवा आश्रममा आवश्यक पर्ने औषधीहरु वितरण गरेका थिए ।

पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेष्टुरेन्ट होटलमा पार्टी दिने प्रचलन रहेको छ । त्यहि खर्च सामाजिक कार्यका लागि खर्चिँदा समाजमा राम्रो सन्देश जाने भएकाले आश्रममा जन्मदिन मनाएको उनले बताए ।