विराटनगर – नेपाल डेन्टल एसोसिएसनको २४ औं वार्षिक राष्ट्रिय सम्मेलन विराटनगरमा शनिबार हुने भएको छ । देशभरीको डेन्टल चिकित्सक भेला हुने उक्त सम्मेलनको सम्पूर्ण तयारी पूरा भएको विराटनगरमा शुक्रबार पत्रकार सम्मेलन गरी जानकारी गराएको हो ।
राष्ट्रिय सम्मेलन सफल बनाउन नेपाल डेन्टल एसोसिएसन मोरङका अध्यक्ष डा. पवन मेहताको संयोजत्वमा ४३ सदस्यीय मुल समारोह समिति बनाएको छ । सम्मेलनमा देशभरीका करिब ४ सय दन्तचिकित्सकहरुको सहभागिता रहने केन्द्रीय अध्यक्ष प्रणयरत्न शाक्यले जानकारी दिए । राष्ट्रिय सम्मेलनमा करिब १६ जना राष्ट्रिय तथा अन्तर्राष्ट्रिय ख्याती प्राप्त वक्ताहरुको सहभागिता रहने बताइएको छ । ‘त्यस बाहेक दर्जनौ दन्त्तचिकित्सकहरुले आफुले गरेको उपचारको सन्दर्भमा गरेको वैज्ञानिक कागज पोस्टरहरु सम्मेलनमा प्रस्तुत गर्ने कार्यक्रम रहेको छ,’ अध्यक्ष शाक्यले भने, ‘विराटनगरमा हुन लागेको डेन्टल एसोसिएसनको पहिलो राष्ट्रिय सम्मेलन हो । ’ सम्मेलनमा दन्त्तचिकित्साको क्षेत्रमा आएको नविन्तम उपकरणहरुको करिब ३० वटा कम्पनीले चिकित्सकहरुको सामु प्रदर्शनी पनि गर्ने डेन्टल एसोसिएन मोरङका महासचिब डा. विवेक मेहताले जानकारी दिए । ‘सम्मेलनको मुख्य थिम भनेको दन्त चिकित्सा कार्टे सुन्दर मुस्कान सिर्जना गर्दै अगाडी बढनु हो । यो सम्मेलनले दन्तचिकित्साको क्षेत्रमा भएका नविनतम उपचार पद्धतिका सन्र्दभमा चिकित्सकहरु बीच आपसी अनुभव साटासाट सँगै भातृत्वमा समेत विकास गर्ने हाम्रो विश्वास रहेको छ,’ महासचिब मेहताले भने ।
राष्ट्रिय सम्मेलनको अवसर पारेर एसोसिएननले विराटनगरको तीन ठाउँमा शुक्रबार कार्यशाला गोष्ठी पनि आयोजना गरेको छ । दन्त चिकित्साको तीन भिन्न क्षेत्रको विषयमा जानकारी दिने उद्देश्यले तीन ठाउँमा २५ जनाको समूह बनाएर ७५ जना चिकित्सकहरु वर्कसपमा सहभागि रहेको डेन्टल एसोसिएसन मोरङका अध्यक्ष डा. पवन मेहताले जानकारी दिए । जसमध्ये रोटरी इन्डोडन्टिक्सको बारेमा डा. दिपक रोयले सहजिकरण गर्दैछन् । त्यसैगरी पोस्ट एण्ड कोरको बारेमा डा. श्याम काजि महर्जन र बेसिक इम्प्लान्टोलोजिको बारेमा डा. आलोक सागतानिले जानकारी गराउनेछन् ।
एसोसेसनको राष्ट्रिय सम्मेलनको उदेघाटन कोशी प्रदेशका मुख्यमन्त्री हिक्मत कुमार कार्कीले गर्नेछन् ।