४१ करोड लगानीमा नमस्ते पे : इन्टरनेटदेखि विद्युत र पानीसम्मकाे बिल भुक्तानी गर्न सकिने - News Birat

४१ करोड लगानीमा नमस्ते पे : इन्टरनेटदेखि विद्युत र पानीसम्मकाे बिल भुक्तानी गर्न सकिने

न्यूज विराट

काठमाडौं, २९ भदौ । सरकारी दूर-सञ्चार सेवाप्रदायक नेपाल टेलिकम र राष्ट्रिय वाणिज्य बैंकको सह लगानीमा मंगलबार नमस्ते पे सञ्चालनमा ल्याइएको छ ।

नेपाल टेलिकमका प्रवन्ध निर्देशक डिल्लीराम अधिकारीले आजदेखि नमस्ते पे औपचारिक रुपमा सञ्चालनमा ल्याइएको जानकारी दिए ।

नेपाल राष्ट्र बैंकबाट अनुमति पाइसकेको नमस्ते पे नेपाल डिजिटल पेमेन्ट्स कम्पनी नेपाल टेलिकमको ६२ प्रतिशत लगानी र राष्ट्रिय वाणिज्य बैंकको ३८ प्रतिशत गरी कुल ४१ कराेड लगानीमा स्थापना गरिएको हाे ।

विद्युतीय तथा सिमबाट समेत भुक्तानीको व्यवस्था गरिने तयारीका साथ अघि बढाइएको यस योजना अन्तर्गत सुरुवातमा भने सिमीत मात्रै भुक्तानी गरिने उल्लेख गरिएको छ । जसअन्तर्गत वालेटमा रकम लोड गर्न सकिने गरी केही बैंकलाई जोडिएकाे टेलिकमले जनाएको छ ।

मोबाइल तथा इन्टरनेट सेवाको भुक्तानी, विद्युत तथा पानीको बिल भुक्तानी गर्न सकिने व्यवस्था गरिएको छ ।

नमस्ते पेको वित्तीय सुविधालाई ग्रामीण क्षेत्रसम्म विस्तार गर्ने रणनीतिक आयोजनाको रुपमा टेलिकमले अघि बढाएको हो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles