विराटनगर । मोरङको सुन्दरहरैचना नगरपालिका – ८ घर भएकी प्रेम कुमारी तिम्सिनाले बुलेरो गाडीमा आएका एक दर्जन बढी व्यक्तिहरुको समूहले दुव्र्यवहार गरेको आरोप लगाउँदै प्रहरीमा उजुरी दिएकी छिन् ।

भदौ ३ गते दिउँसो १२ बजे विराटनगर ७ घर भएका ४२ वर्षीय जय कुमार राईसहितको एक दर्जन बढी व्यक्तिहरु आएर दुव्र्यवहार गरेको आरोप लगाउँदै इलाका प्रहरी कार्यालय बेलबारीमा उजुरी दिएकी हुन् । पीडित भनिएका तिम्सिना सुन्दरहरैचना ८ मा ग्यासको डिलर संचालन गर्दै आएकी छिन् ।

चोरी पैठारी मुद्दामा पक्राउ पूर्जी जारी भएपछि पनि प्रहरीले भारतबाट क्यारिङ गर्ने सुन्दरहरैचा नगरपालिका – ८ घर भएकी दुर्गा घिमिरेलाई पक्राउ नगरेपछि राईसहितका आफन्त नियन्त्रणमा लिन उनको घर गएकी थिइन् । दुर्गा प्रेमकुमारीकी बैहनी हुन् । बैहनीलाई नियन्त्रणमा लिन जान खोज्दा चालक राईलेसहितको समूहले दुव्र्यवहार गरेको आरोप लगाएका हुन् । ‘मेरो पसलमा आइ बिना कारण विना कारण मलाई विभिन्न अश्लिल शब्द बोल्दै ज्यान मार्ने धम्कीदिदै मलाई कुटपिट गर्दै दुव्र्यवहार समेत गरेका छन् । मलाई कुटपिट गर्नेलाई कारवहीको हुनुपर्दछ,’ उनले प्रहरीमा लेखेको जाहेरी पत्रमा उल्ल्ेख छ ।
इप्रका बेलबारीले शुक्रबार दुवै पक्षलाई छलफलको लागि बोलाएको छ ।

यता राई समूहले पनि क्यारिङ गर्ने घिमिरे र उनकी दिदी तिम्सिनाले पनि हातपात गरेको भन्दै प्रहरीमा उजुरी दिएका छन् । तेही भएर इप्रका बेलबारीले दुवै पक्षलाई छलफलमा बोलाएको मोरङ प्रहरीले जनाएको छ । क्यारिङ गर्ने घिमिरे बिरुद्ध ७ माघ २०८० मा विराटनगर भन्सार कार्यालयले पक्राउ पूर्जी जारी गरेको थियो । ३ भदौमा पक्राउ परेपछि विराटनगर भन्सार कार्यालयले बुधबार साढे सात लाख रुपैयाँ धरौटि तोकेको थियो । धरौटि रकम बुझाएर उनी रिहा भएकी छिन् ।

यस घटनामा विराटनगरका सवारी चालक जय कुमार राईले भने क्यारिङ गर्ने घिमिरेले गलत बिलबिजक प्रयोग गरेर आफुलाई फसाएको गुनासो गर्दै आएका छन् । ९ कार्तिक २०८० मा भारतबाट तस्करीको सामान क्यारिङ गर्ने घिमिरेले दुई जना व्यक्ति परिचालन गरेर गलत बिलबिजक देखाएर राईको प्रदेश १–०४–००१ च ०११० नम्बरको बोलेरो पिकअपमा अवैध सामान लोड गरेका थिए । बिलबिजक पनि भएको र गुडियाको सामान भएको भनेपछि आफुले पनि गुद्रीबाट नहेरि सुन्दरहैचना लैजाने सामान लोड गरिएको उनले बताउँदै आएका छन् । यता घिमिरे पक्षले भने गुद्रीबाट सामान लोड नभएर गोदामबाट लिएर गएको बताएका छन् ।
लोड गरेको सामान विराटनरको कन्चनबारी पुर्याएपछि सशस्त्र प्रहरीले नियन्त्रणमा लियो । त्यसपछि भन्सार लछी गरी ल्याएको सामान भएको भन्दै प्रहरीले भनेपछि मात्रै आफुले थाहाँ पाएको उनले सुनाए । बरामद गरेको सामान ७ लाख ५० हजार मुल्य बरावरको आठ सय ३४ थान कुर्तासलवार पिकअप गाडीबाट बरामद भएको थियो । सामान बरामद भएपछि लोड गर्ने दुई जना व्यक्ति फरार भए । सशस्त्र प्रहरीले पिकअप गाडीसहित राईलाई विराटनगर भन्सार कार्यालयमा बुझायो । नियन्त्रणमा परेको चारदिन पछि राईका परिवकारले ऋण खोजेर १३ कार्तिक २०८० मा ८ लाख ५० हजार ६ सय रुपैयाँ धरौटि बुझाएर रिहा भए । उनको गाडी अहिले पनि भन्सार कार्यालयै रहेको छ ।