विराटनगर । भारत लैजान लागेको ६ जना बालकको सीमा क्षेत्रबाट उद्धार गरिएको छ । भारतको लखनाउमा खेतबारीमा काम लगाउने भन्दै बालश्रमिकको रुपमा लैजान लागेको अवस्थामा सुनसरीको इटहरी घर भएका ६ जना बालकहरुलाई साना हात नामक संस्थाले बुधबार दिउँसो १२ बजे नेपाल –भारत सीमा नाका विराटनगरको २ नम्बर ढाटबाट उद्धार गरेको हो ।

विभिन्न प्रोलोभन देखाएर उनीहरुलाई इटहरीका श्याम कुमार मुसहरले लिएर जाने क्रममा उद्धार गरिएको साना हात नामक संस्थाका प्रबन्धक बिवस श्रेष्ठले जानकारी दिए । उद्धार गरिएको बालवालिकाहरुलाई मासिक ५ देखि ६ हजार रुपैयाँ भारु रुपैयाँ हुने बताउँदै भारत लिएर जान लागेको बेला उद्धार गरिएको उनले बताए । उद्धार गरिएको बालवालिकाहरुलाई इलका प्रहरी कार्यालय रानीमा बुझाएको छ । उनीहरुलाई अभिभावक बोलाएर बुधबार जिम्मा लगाएको इलका प्रहरी प्रहरी कार्यालय रानी विराटनगरका प्रमुख प्रहरी निरीक्षक प्रकाश थापाले जानकारी दिए ।