विराटनगर । व्यवस्थापन शिक्षामा राष्ट्रिय पहिचान बनाएर देशभरीमै सधै टप १० मा पर्दै आएको विराटनगरस्थित मेरील्याण्ड कलेजले कक्षा १२ को परीक्षामा सर्वोत्कृष्ट नतिजा ल्याएको दावी गरेको छ । राष्ट्रिय परीक्षा बोर्डले २०८१ सालमा लिएको परीक्षामा मेरील्याण्ड कलेजका विद्यार्थीले कक्षा १२ को परीक्षामा सर्वोत्कृष्ट नतिजा ल्याउँदै सतप्रतिशत विद्यार्थी उत्तिर्ण हुन सफल भएको कलेजले जनाएको छ ।

६४५ जना विद्यार्थीले १२ को परीक्षा दिएको मध्ये दर्शिल बस्नेतले ३.८७ जिपिए र जतिन अग्रवालले ३.८७ जिपिए ल्याएको कलेजका प्रिन्सिपल लक्ष्मण ढकालले जानकारी दिए । उनका अनुसार ३.८७ ल्याउने दुई जना, ३.८६ जिपिए ल्याउने ४ जना, ३.८५ जिपिए ल्याउने ३ जना, ३.८१ जिपिए ल्याउने ६ जना, ३.७५ देखि ३.७८ जिपिए ल्याउने १४ जना, ३.६१ देखि ३.७५ जिपिए ल्याउने ८६ जनासहित ए प्लस ल्याउने ११५ जना, ए ल्याउने २९० जना, बी प्लस ल्याउने १८६ जना र बी ल्याउने ३० जना विद्यार्थी रहेका छन् ।

राष्ट्रिय परिक्षा बोर्डले लिएको कक्षा १२ को परीक्षामा जम्मा देशभरिमै ५२ प्रतिशत विद्यार्थी मात्र उतिर्ण भएका छन् । काठमाण्डौ भ्याली बाहिर सम्भवत मेरिल्याण्डको रिजल्ट मात्रै उत्कृष्ट आएको मेरिल्याण्डका प्रिन्सीपल लक्ष्मण ढकाल दाबी छ । यो परिणाम विद्यार्थीको मेहनत, शिक्षक को लगनशीलता, अभिभावको आफ्नो छोरा छोरी प्रतिको चासो र ब्यवस्थापनको अथक मेहनतबाट संभव भएको कलेजका अध्यक्ष गुणराज ढुंगेल बताए । मेरिल्याण्ड कलेज विगत २० वर्ष देखि देश भरिका आठ हजार भन्दा बढी कलेजहरूमध्ये सधैँ टप टेन मा पर्दै आएको छ ।

मेरिल्याण्ड पढन आएका दर्शिल बस्नेत र जतिन अग्रवालले ३.८७ जीपीए ल्याएकोमा निकै खुशी भएको बताए । मेरील्याण्डका शिक्षकहरुले गुणस्तरीय शिक्षा प्रदान गरेको कारणले आज सफलता मिलेको उनीहरुको भनाई छ । ‘शिक्षकहरुले दिएको शिक्षा र मेरो मेहनतको कारणले आज सफलता प्राप्त भएको छ । मेरो गुणस्तर एकदमै माथि उठाउन गरेको योगदान प्रति जिन्दगीभर मेरिल्याण्ड प्रति आभारी छु,’ उनीहरुले एक साथ भने, ‘अब म संसारको कुनै पनि कुनामा गएर आफ्नो बाँकी अध्ययन र रोजगारी पाउन सक्षम छु । त्यो मलाई मेरिल्याण्डले बनाएको हो । यहाँ सरहरूले पढाउने मात्र नभई दैनिक नैतिक शिक्षा पनि दिनुहुन्छ । त्यसैले हामी विद्यार्थीलाई जिवन भोगाइमा ठुलो परिवर्तन ल्याएको छ ।’

यसअघि पनि मेरिल्याण्ड कलेजका छात्रा दिया अग्रवालले गत बर्ष ३. ९६ जीपीए ल्याई नेपाल प्रथम हुन सफल भएकी थिइन । मेरिल्याण्डको प्लस टुको अलावा बिबिएस तहमा पनि उत्कृष्ट रिजल्ट ल्याउदै आएको छ । किन्जल पोख्रेल, सिम्रन अग्रवाल, रोहीत कार्की आदि मेरिल्याण्डका उत्कृष्ट रिजल्ट ल्याउने नेपाल टपर विद्यार्थीहरु हुन् ।

मेरिल्याण्डको राम्रो रिजल्ट आउनुमा विद्यार्थीहरुलाई वर्षभरिनै निः शुल्क कोचिंगको ब्यबस्था, क्लोज सुपरभीजन, वार्षिक शैक्षिक क्यालेण्डर, स्टुडेन्ट फ्रेन्डली कक्षाकोठा , आदि रहेको कलेजका डाईरेक्टर तथा हिसानका केन्द्रीय उपाध्यक्ष भेषराज पोख्रेल बताए । व्यवस्थापन संकायमात्र पठनपाठन गरी अब्बल शैक्षिक संस्थाको रुपमा देशभरीमै मेरील्याण्डले छुट्टै पहिचान बनाउन सफल भएको छ ।