विराटनगर । नेपाल चिकित्सक संघ कोशी शाखाका नव निर्वाचित कार्य समितिका पदाधिकारी तथा सदस्यहरुले पदस्थापन गरेका छन् । विराटनगरमा एक कार्यक्रम आयोजना गरी नव निर्वाचित कार्य समितिका पदाधिकारी तथा सदस्यहरुले पदस्थापन गरेका हुन् ।

नेपाल चिकित्सक संघका केन्द्रीय अध्यक्ष डा.अनिल विक्रम कार्की र प्रमुख निर्वाचन अधिकृत प्राडा हेमसागर रिमालले नवनिर्वाचित कार्यसमितिका पदाधिकारी तथा सदस्यहरुलाई पदस्थापन गराए ।
केही दिन अगाडी सम्पन्न भएको निर्वाचनबाट नेपाल चिकित्सक संघको कोशी शाखामा डा राजेन्द्र चौधरीको अध्यक्षतामा नयाँ कार्य समिति चयन भएको छ ।
३ वर्षका लागि डा चौधरीको अध्यक्षतामा नयाँ कार्यसमिति चयन भएको हो । कोशी चिकित्सक संघमा वरिष्ठ उपाध्यक्षमा डा नविन कुमार कर्ण, उपाध्यक्षमा डा शिलव सेन श्रीबास्तव, महासचिवमा डा बालकृष्ण साह निर्विरोध निर्वाचित भएका छन् ।
यस्तै कोषाध्यक्षमा डा सुनिल रेग्मी, स–सचिवमा डा रामकुमार यादव, सह– कोषाध्यक्षमा डा तेजेन्द्र कार्की छन् । यस्तै सदस्यहरुमा डा कोपिला अग्रवाल, डा प्रेक्षा दली, डा अमरकुमार यादव, डा रितेशकुमार सिंह, डा जीवनाथ धमला र डा राजाबाबु मण्डल रहेका छन् । अध्यक्ष लगायत सबै पदका कार्यसमिति निर्विरोध निर्वाचित भएको हो ।