आज २७३६ जनामा कोरोना, २२ संक्रमितको मृत्यु
काठमाडौं, २५ कात्तिक-गत २४ घण्टामा देशभर २ हजार ७ सय ३६ जनामा कोरोना संक्रमण पुष्टि भएको छ । योसँगै संक्रमितको कुल संख्या १ लाख ९९ हजार ७ सय ६० पुगेको छ । आज ८ सय...
विराटनगर । देशभरका सामुदायिक विद्यालयमा उत्कृष्ट नतिजा निकालेर चर्चामा रहेको विराटनगरको पोखरिया माध्यमिक विद्यालयले प्लस टुतर्फ राष्ट्रिय परीक्षा बोर्डले संचालन गरेका परीक्षामा पनि उत्कृष्ट नजिता हाँसिल गरेको भन्दै सम्मानित भएको छ ।
मंगलबार काठमाडौंमा आयोजित एक कार्यक्रमका अवसरमा पोखरिया माविलाई ‘प्लस टु एजुकेसन एक्सिलेन्स अवार्ड २०८१’ प्रदान गरिएको हो । काठमाडौंस्थित नेपाल प्रज्ञा प्रतिष्ठानमा केन्द्रबिन्दु अनलाइन मिडिया प्रालिको आयोजनामा भएको दोस्रो अवार्ड समारोहमा पोखरियालाई उक्त अवार्ड प्रदान गरिएको जनाइएको छ ।
पोखरिया माविमा अध्ययनरत विद्यार्थीले राष्ट्रिय परीक्षा बोर्डमा ल्याएको उत्कृष्ट नतिजा आधारमा सम्मानित गरिएको हो ।
पोखरिया माविले सामुदायिक विद्यालयतर्फ प्लट टुमा पनि प्रयोगात्मक शिक्षालाई जोड दिंदै आएको र गुणस्तरीय शिक्षामा अब्बल बन्दै गएको भन्दै उक्त अवार्ड प्रदान गरिएको जनाइएको छ ।
राष्ट्रिय सभाका अध्यक्ष नारायणप्रसाद दाहालले पोखरिया माविका प्रधानाध्यापक खेमराज भट्टराईलाई अवार्ड प्रदान गरेका हुन् । अध्यक्ष दाहालले शिक्षाको गुणस्तर सुधार्न गर्न नीतिगत रुपमा सुधारहरु आवश्यक रहेको बताए । उनले विद्यार्थीको हातमा प्रमाणपत्रसँगै ज्ञान र सीप आवश्यक रहेको बताए ।
कार्यक्रममा पोखरिया माविसहित देशभरका १४ वटा सामुदायिक विद्यालयका विद्यार्थीले राष्ट्रिय परीक्षा बोर्डमा ल्याएको उत्कृष्ट नतिजा, पठनपाठन र शैक्षिक गुणस्तरका विभिन्न क्षेक्रहरुलाई मुल्याङ्कन गरी सम्मानित गरिएको जनाइएको छ ।
कार्यत्रममा राष्ट्रिय परीक्षा बोर्डका अध्यक्ष डा महाश्रम शर्मा, प्रतिनिधि सभा सदस्यहरु योगेश भट्टराई लगायतको उपस्थिति रहेको जनाइएको छ ।
सोही कार्यक्रमका अवसरमा ‘शिक्षा क्षेत्रका प्रज्ज्वल नक्षत्र २०८१’ सम्मानबाट लामो समयदेखि अनवरत रुपमा शैक्षिक क्षेत्रमा योगदान पुर्याइरहेकी चाँदनी जोशी सम्मानित भइन् । त्यसैगरी नेपालको शिक्षा क्षेत्रमा अतुलनीय योगदान गरेको भन्दै शिक्षकहरु सावित्री टण्डन, सूर्य कार्की, प्राडा श्रीराम भगत माथे र सुप्रभात भण्डारीलाई ‘विशिष्ट शिक्षा सम्मान–२०८१’ प्रदान गरिएको जनाइएको छ ।
