पछिल्लो २४ घण्टामा प्रदेश १ मा ५६ संक्रमित थपिए, ७४० जना डिस्चार्ज - News Birat

पछिल्लो २४ घण्टामा प्रदेश १ मा ५६ संक्रमित थपिए, ७४० जना डिस्चार्ज

न्यूज विराट

विराटनगर, २ मंसिर–प्रदेश १ मा मंगलबार ५६ संक्रमित थपिएका छन् । मोरङमा ३१ झापामा १७, सुनसरीमा चार, इलाममा एक र प्रदेश १ बाहिरका तीन जनामा कोरोना संक्रमण पुष्टि भएको हो । मोरङको विराटनगरमा सात महिला १२ पुरुष, मिक्लाजुङमा तीन महिला एक पुरुष, उर्लाबारीमा दुई महिला छ पुरुषमा कोरोना भाइरसको संक्रमण पुष्टि भएको सामाजिक विकास मन्त्रालयले जनाएको छ ।

मन्त्रालयका अनुसार झापाको गौरादहका तीन महिला दुई पुरुष, दमकमा दुई महिला आठ पुरुष, गौरीगञ्जमा एक महिला, मेचीनगरमा एक पुरुष, सुनसरीका बराहक्षेत्रमा दुई महिला, देवानगञ्ज र इनरुवामा एक÷एक पुरुष, इलामका एक पुरुष र प्रदेश १ बाहिरका तीन पुरुषको रिपोर्ट पोजिटिभ आएको हो । योसँगै प्रदेश १ मा कोरोना संक्रमितको संख्या २४ हजार ७६ पुगेको छ ।

प्रदेश १ मा मंगलबार सातसय ४० जना डिस्चार्ज भएका छन् । होम आइसोलेसनबाट सात सय ३४ र विराट मेडिकल कलेजबाट छ जना कोरोना मुक्त भई डिस्चार्ज भएका हुन् । हालसम्म डिस्चार्ज हुनेको संख्या १८ हजार आठ सय ६८ पुगेको सामाजिक विकास मन्त्रालयले जनाएको छ ।

प्रदेश १ मा मंगलबार एक सय ७६ जनाको पीसीआर परिक्षण गरिएको छ । परिक्षण गरिएका मध्ये २० महिला र ३६ पुरुषको रिपोर्ट पोजिटिभ आएको हो । हालसम्म प्रदेश १ मा एक लाख ७९ हजार दुई सय ६९ जनाको पीसीआर परीक्षण गरिएको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles