विराटनगर । विराटनगर ९ स्थित अचिभर्स कन्सल्टिङ्ग सर्भिसेजले नेपाली विद्यार्थीको गुणस्तरीय शिक्षाको चाहनालाई साकार पार्न गुजरातको बरोडरा स्थित पारूल युनिवर्सिटीसँग सम्झौता गरेको छ । सोमबार एक कार्यक्रम आयोजना गरी दुई संस्थाबीच सम्झौता भएको हो ।

विराटनगरमा पत्रकार सम्मेलन गर्दै अचिभर्सका संचालक सुनिलकुमार जयसवालले शिक्षा मन्त्रालयबाट शैक्षिक परामर्शकालागि अनुमति प्राप्त विश्वसनीय अचिभर्सले सुलभ दरमा नेपाली विद्यार्थीले उच्च शिक्षा हासिल गरून् भन्ने उद्देश्यले पारूलसँग सम्झौता गरेको बताए ।

उनले अचिभर्सको ३ योजना रहेको सुनाए । नेपालमा नै बसेर एमबीबीएसदेखि इन्जिनियरिङ्गसम्मको उच्च शिक्षा हासिल गर्न चाहने विद्यार्थीकालागि विश्व स्तरीय तयारी कक्षा अचिभर्सले संचालन गर्दै आएको बताए । भारतमा सुरक्षित वातावरणमा पारामेडिकल, इन्जिनियरिङ्ग, डिजाइन, होटल म्यानेजमेन्टजस्ता २ हजार ५ सयभन्दा बढी विषय र संकायमा अध्ययन गर्न चाहने विद्यार्थीकालागि चर्चित डबल ए प्लस क्याटोगरीको पारूल युनिवर्सिटीसँग सम्झौता गरिएको जायसवालले बताए ।

उनले बङ्गलादेश, अष्ट्रेलिया, युके, न्यूजील्याण्ड, युएसए, क्यानाडा र युरोपमा अध्ययन गर्नकालागि उचित परामर्शकासाथै त्यहाँका उत्कृष्ट विश्वविद्यालयमा विद्यार्थीलाई काठमाडौबाट उडान र सम्बन्धित ठाउँमा बसोबासको समेत व्यवस्थाका साथ भर्ना गरिने गरिएको बताए ।

पारूलका सहायक बजार व्यवस्थापक निरजकुमार साहले सस्तोमा उच्च शिक्षा प्रदान गर्ने प्रतिष्ठित विश्वविद्यालयमध्ये पारूल पनि एक रहेको बताए । उनले पारूल १५० एकडमा फैलिएको उत्कृष्ट युनिवर्सिटी रहेको बताए ।

पारूलमा अध्ययन गरिसकेका २४ हजारभन्दा बढी विद्यार्थीले २२०० कम्पनीमा रोजगारी पाएको बताए । साहले ७५ बढी देशबाट ३५ सय विद्यार्थीले पारूलमा अध्ययन गर्दै गरेको बताए ।

साहले आर्थिक अवस्थालाई ध्यानमा राख्दै जुनसुकै डिप्लोमा कोर्षमा भर्ना हुन चाहने नेपाली विद्यार्थीकालागि ५० प्रतिशत छात्रवृत्ति रहेको बताए । उनले नेपाल सरकारले तोकेका विषय बाहेकको कोर्षमा अचिभर्समार्फत पारूलमा आउने विद्यार्थीलाई प्रवेश परीक्षा दिन नपर्ने बताए ।

कतिपय कन्सलटेन्सी अनुमतिबीनापनि संचालनमा आउने गरेको र त्यस्ता संस्थाको भ्रममा परेर विदेशमा नेपाली विद्यार्थी अलपत्र पर्ने गरेका तथ्य बारम्बार बाहिरिने गरेको छ । तर अचिभर्समार्फत विद्यार्थीहरू विदेश अध्ययनकालागि जाँदा उच्च शिक्षा हासिल गरी भविष्य बनाएर नै स्वदेश फर्कने गरेको संचालक जायसवालले बताए । पारूलमा ४५०० नेपाली विद्यार्थी अध्ययनरत छन् ।