विराटनगर । रंग पत्रकार प्रेम देवान सम्मानित भएका छन् । विराटनगरमा सम्पन्न भएको चलचित्र महोत्सवमा नेपाल चलचित्र पत्रकार महासंघ मोरङका अध्यक्ष समेत रहेका देवा सम्मानित भएका हुन् ।

चलचित्र क्षेत्रको विकासमा रंग पत्रकार देवानले उल्लेखिनय योगदान पुर्याएको भन्दै उनलाई सम्मान गरिएको हो । सम्मानित भएका देवानलाई कोशी प्रदेशका आन्तरिक मामिला तथा कानुन मन्त्री लिलाबल्भ अधिकारीले कदर पत्र र दोसल्ला ओढाएर सम्मान गरे । सम्मानित भएका देवान विराटनगरको लोकप्रिय अनलाइन आवर विराटनगर डटकमा निर्देशक पनि हुन् । उनी नेपाल आदिवासी जनजाति पत्रकार महासंघ फोनिज प्रदेशका कोषाध्यक्ष पनि रहेका छन् ।
शुक्रबार सम्पन्न भएको महोत्सवमा लामो समयदेखी सिने क्षेत्रमा योगदान पुर्याउने २ दर्जन बढी कलाकार, निर्मता , निर्देशकहरुलाई पनि सम्मान गरियो ।

दीर्घ साधना सम्मानबाट लक्ष्मी नाथ शर्मा, साथै कोशी प्रदेशलाई फिल्म क्षेत्रमा विशेष योगदान पुर्याउने शिव श्रेष्ठ , मोहन निरौला, रविन्द्र खड्का, नविन सुब्बा, छविराज ओझा, रमेश बुढाथोकी, सुचित्रा श्रेष्ठलाई विशेष सम्मान सहित कदरपत्र र दोसल्ला ओढाएर सम्मान गरिएको थियो । त्यसैगरी गायक सुमित खड्का, श्रीकृष्ण लुईटेल, विरेन्द्र झा, फिल्मी क्षेत्रमा आवद्ध केशव रायमाझी, कुबेर शर्मा, चिरन्जीवी बस्नेत, सबुरलाल चौधरी, लाखमान योन्जन, विपिन प्रसाई, सुवास मेचेलाई सम्मान गरिएको थियो ।

सम्मानित हुने सबैेलाई कोशी प्रदेशका आन्तरिक मामिला तथा कानुन मन्त्री लिलाबल्लव अधिकारीले सम्मान गरेका थिए । त्यसैगरी कार्यक्रममा चलचित्र अवार्ड समेत प्रदान गरिएको थियो । कोशी प्रदेशमा रहेर लघु, वृत्त तथा कथानक चलचित्र निर्माण गर्ने टिमहरुलाई अवार्ड प्रदान गरीएकोे थियो । साथै कार्यक्रममा विविध सास्कृति कार्यक्रम समेत आयोजना गरिएको थियो । कार्यक्रममा फिल्म निर्देशक अरुण कुमार प्रधानले आफुले निर्माण गरेको १२ नेपाली एक चिहान फिल्म यसैबर्षको भदौ १४ अल नेपाल प्रदर्शनमा आउने घोषणा गरेका गरेका छन् ।