विराटनगर । विराटनगरस्थित मदरल्याण्ड एकाडेमीमा नृत्य प्रतियोगिता आयोजना गरेको छ । स्कुल परिसरमा बिहीबार बुद्ध जयन्तीको अवसर पारेर नृत्य प्रतियोगिता आयोजना गरेको हो ।

नृत्य प्रतियोगिताको प्रथम उर्वी काफ्ले, अलिशा श्रेष्ठ, अनुस्का मण्डल, श्रेया कोइराला, युनिका घिमिरे र सुभेक्षा घिमिरेको समूह भयो । उनीहरुले नेवारी पहिरन लगाएर सांस्कृतिक नृत्य प्रस्तुत गरेका थिए । प्रथम हुने टिमले नगद पाँच हजार रुपैयाँ पाएको छ । अन्य १० टिमले जनही २ हजार पाएका छन् ।

नृत्य प्रतियोगिताको निर्णायकमा नृत्य निर्देशक प्रेम सोनाम रहेका थिए । विद्यार्थीहरुमा भएको प्रतिभा उजागर गर्ने उद्देश्यले नृत्य प्रतियोगिता आयोजना गरिएको स्कुलका प्रिन्सिपल मोहन बुढाथोकीले जानकारी दिए ।
कार्यक्रमको प्रमुख अतिथि हिसानका केन्द्रीय उपाध्यक्ष भेषराज पोखरेल रहेका थिए । कार्यक्रममा प्याब्सनकी सल्लाहकार सावित्री पराजुली, इन्द्र राई, नन्दलाल मण्डल, युवराज अधिकारी , चुडामणि नेपाल, दीपक प्रसाद घिमिरे गायक सुमित खड्कालगायतको उपस्थिती रहेको थियो ।