विराटनगर । विराटनगरका एक जना औषधी व्यवसायीमाथि निर्घात कुटपिट भएको छ । विराटनगर ७ हस्पिटल चोकमा रहेको रजक फर्माका संचालक २५ वर्षीय राहुल कुमार रजकमाथि बुधबार निर्घात कुटपिट भएको हो ।

हस्पिटल चोकमा रहेको साईनो फार्मेशीका संचालक एमडि सजादले ६–७ जना गुण्डागर्दीमा संलग्न व्यक्तिहरु परिचालन गरि रजकलाई कुटपिट गरेका हुन् । एमडि सजादले रजकको फार्मेशीबाट एक लाख भन्दा बढी रकमको औषधी दुई वर्ष अगाडी बाँकी लगेका थिए । बाँकी लगेको औषधीको पैसाँ माग्न गएको तर संचालकले पैसाँ नदिएपछि पसल आइपुग्दा रजकमाथि ६–७ जनाको समूहले निर्घात कुटपिट गरेको पीडितले बताए ।

‘दुई वर्ष अगाडीदेखिको एक लाख भन्दा बढी बक्यौता रहेको थियो । बुधबार दिउँसो पैसाँ माग्न पसल गएको थिए । बाँकी बक्यौता दिनुपर्यो भनेको थिए । तेही निहु बनाएर मेरो पसलमा आएर मही माथि निर्घात कुटपिट गरे,’ अस्पतालको शैय्यामा उपचार भइरहेको रजकले भने, ‘सडकमा रहेको ईट्टाले प्रहार गरेर म माथि सांघातिक हमला गरेका छन् ।’ उनीहरुको कुटपिटबाट रजकको टाउँमा गहिरो चोटपटक लागेको छ । अहिले उनको उपचार विराटनगरस्थित न्यूरो अस्पतालको आकस्मिक कक्षमा उपचार भइरहेको छ ।

कुटपिटमा संलग्न एक जनालाई प्रहरीले नियन्त्रणमा लिएको छ । आक्रमण गर्ने मुख्य व्यक्ति साइनो फार्मेसीका संचालक एमडि सजादसहित अन्य ६ जना फरार रहेका छन् । उनीहरुको खोजी कार्यमा प्रहरी लागी परेका छन् । पीडित परिवारले अहिले ढाडो उजुरी दिएका छन् । बिहीबार जिल्ला प्रहरी कार्यालय मोरङमा ज्यान मार्ने उद्योगमा जाहेरी दर्ता गर्ने तयारी गरेका छन् ।