भारतमा हिजाब विवादबारे फेरि बाेल्याे पाकिस्तान - News Birat

भारतमा हिजाब विवादबारे फेरि बाेल्याे पाकिस्तान

न्यूज विराट

काठमाडौं, ७ फागुन । पाकिस्तानकाे विदेश मन्त्रालयले एकपटक फेरि भारतमा चर्केकाे हिजाब विवादबारे आफ्नाे प्रतिक्रिया दिएकाे छ । विदेश मन्त्रालयका प्रवक्ता इफ्तिखार अहमदले भारतकाे कर्नाटक राज्यमा हिजाब प्रतिबन्ध लगाइएकाेबारे पाकिस्तान चिन्तित रहेकाे बताएका हुन् ।

उनले भनेका छन्, ‘भारतमा मुस्लिम छात्रालाई हिजाब पहिरिन नदिएकाे विषयले पाकिस्तान चिन्तित छ र यसकाे निन्दा गर्छ । यसबारे हामीले इस्लामाबादस्थित भारतीय उच्चायोगलाई समेत अवगत गराएका छाैँ ।हिजाब विरोधी अभियान आरएसएस र भाजपाले चलाइरहेका छन् । याे उनकाे बहुसंख्यकवादकाे राजनीतिकाे हिस्सा हाे ।’

यसअघि पाकिस्तानका विदेशमन्त्री महमुद कुरैशीले पनि हिजाब विवादमा माेदी सरकारकाे आलाेचना गरेका थिए । कर्नाटकमा हिजाब विवादबारे अन्तर्राष्ट्रिय समुदायबाट आएकाे प्रतिक्रियालाई लिएर भारतीय विदेश मन्त्रालयले यसअघि नै जवाफ दिएकाे थियाे ।

हिजाब विवादबारे पाकिस्तान र अमेरिकासहित विभिन्न देशहरूबाट भएको ध्यानाकर्षण र अभिव्यक्ति स्वीकार्य नरहेको भारतले जनाएको थियाे । आन्तरिक मामिलामा कुनै खास उद्देश्यबाट प्रेरित भएको टिप्पणीलाई स्वागत नगरिने भारतले बताएकाे थियाे ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles