विराटनगर । विराटनगरस्थित न्युरो अस्पतालका अध्यक्ष तथा बरिष्ठ न्युरोलोजिष्ट डा. बिरेन्द्र कुमार बिष्ट सम्मानित भएका छन् ।

नेपाल स्नायु विज्ञान प्रतिष्ठान ( एनएएन) आयोजनामा अन्र्तराष्ट्रिय सम्मेलनमा डा. विष्टलाई न्युरोलोजीको क्षेत्रमा पुर्याएको योगदानको कदर गर्दै उनलाई न्यूरोलोजीको धरोहर मान्दै सम्मान गरिएको हो ।

नेपालमा न्युरोलोजी विधाको शुरुवात तथा चौतर्फी विकासको निम्ती शुरुका दिनहरु देखि हालसम्म अमुल्य योगदान पुर्याएको भन्दै उक्त संस्थाले सम्मान गरेको छ ।
वरिष्ठ न्यूरोलोजिष्ट डा. विष्टलाई कार्यक्रमका प्रमुख अतिथी उपराष्ट्रपति राम सहाय यादबले कदर पत्र र दोसल्ला ओढाएर सम्मान गरे ।
बेलायतबाट आफनो अध्ययनपुरा गर्नु भएकाडा. बिष्टले सन् २००० मा नेपालमै पहिलो पटक विराटनगरमा १० शैय्याको न्युरो डाइग्नोष्टिक एण्ड रिसर्च सेन्टरबाट सुरु गरिएको हस्पिटल हाल न्युरो कार्डियो एण्ड मल्टिस्पेशियालिटी हस्पिटलको रुपमा बिकसित भएको छ । अहिले न्यूरो सुपरस्पेशियालटी हस्पिटलको रुपमा स्थापित भइसकेकोे छ ।

सम्मान कार्यक्रममा बोल्दै डा. बिष्टले दत्त चित्त भएर निरन्तर सेवागर्दे जादा समाजले, राष्ट्रले अवश्य पनि मुल्याकंन गर्दो रहेछ भन्ने कुरा महसुष भएको बताए । उनले सम्मान पश्चात थप जिम्मेवारी बोध भएको बताए । उनले बेलायतबाट फर्केर आफु जन्मेकै ठाउँ विराटनगर फर्केर न्युरोलोजी सेवा सुरु गरेको बताए । शुरुवाती दिनको मात्र नभई स्वास्थ्य क्षेत्रमा कार्य गर्दा हरेक पाइलामा जोखिम तथा कठिनाईहरु भएता पनि सेवा भावसहित कार्य गर्दा आत्म सन्तुष्टी पाइने उनको भनाई छ ।
बिराटनगरमा न्युरोलोजीको सेवा प्रदान गर्दै गर्दा धेरै बिरामीहरु न्युरो सर्जरीको लागी, एउटा एमआरआइ जाँचको लागी काठमाण्डौं त्यसैगरि भारतको सिलुगुडी लगायतका ठाउँहरुमा जानु पर्ने बाध्यता थियो । डा. विष्टले यो बाध्यताको अन्त्यगर्ने निर्णय गर्दै सन् २०१० मा आफनै अस्पतालमा न्युरो सर्जरी सेवाको शुरुवात गरे । दुई बर्ष पछि एमआरआइ जाँच सेवाको पनि शुरुवात गरेका छन् ।
यसअघि विष्ट सुप्रबल जनसेवाश्री बाट पनि बिभुषित भइ सकेका छन् । त्यसको साथै बिभिन्न राष्ट्रिय तथा अन्र्तराष्ट्रिय सम्मानहरुबाट पनि सम्मानित भएका छन् ।