विराटनगर । अन्तराष्ट्रिय रोलर स्केट्स च्याम्पीयनसिपमा नेपाली खेलाडी दोस्रो भएको छ । भारतको हिमान्चल प्रदेशमा हालै सम्पन्न भएको अन्तराष्ट्रिय रोलर स्केट्स च्याम्पीयनसिपमा नेपाली खेलाडीहरुले ५ स्वर्ण, ३ रजत र १ कास्य पदक जितेर द्धितीय भएको हो ।
नेपालको तर्फबाट१२ जना खेलाडी अन्तराष्ट्रिय रोलर स्केट्स च्याम्पीयनसिप खेल्न गएका थिए । जसलमा कुनाल कामत, मन्थन। गोयल, कारण अग्रवाल , युरिसा पोखरेल, आयुष साहले स्वर्ण पदक हात पारे । त्यसैगरी कास्वि अग्रवाल, सफल अधिकारी र आयुष मण्डलले रजत पदक र बेदान्सु खतिवडाले कास्य पदक जिते ।
अन्तराष्ट्रिय रोलर स्केट्स च्याम्पीयनसिपमा नेपालबाट गएको टिमको कोच सुरज कामत र टिम मेनेजर साहिल गिरी रहेका थिए ।
एप्रील २७ देखि २९ सम्म भएको प्रतियोगितामा चार वटा देशका २३० जना खेलाडीहरुको सहभागिता रहेको थियो ।