विराटनगर । अस्पतालको जोखिमपूर्ण कक्षमा कार्यरत स्वास्थ्यकर्मीको लागि तीन दिने ‘बीएलएस र एसीयलएस’ तालिम सम्पन्न भएको छ । अमेरिकन हर्ट एसोसिएसन (एएचए) को आयोजनामा विराटनगरस्थित न्यूरो हस्पिटलको सभाहलमा भएको तीन दिने उक्त तालिम शुक्रबार समापन भएको हो ।

तीन दिने तालिममा अकस्मात रुपमा विरामीको ज्यान जोखिममा परेको अवस्थामा कसरी उपचार गरेर बचाउने भन्ने विषययमा स्वास्थ्यकर्मीहरुले ज्ञान हासिल गरेका छन् । उक्त तालिममा विरामीको मुटुको चाल बन्द हुँदा देखि फोक्सो बन्द हुदा र बेहोस हुने जस्तो समस्या देखिँदा कसरी यसको उपचार गरिने त्यो उपचाको बारेमा तालिममा स्वास्थयकर्मीहरुलाई जानकारी गराएको डा. दिलकुमार लिम्बूले जानकारी दिए ।
तालिममा स्वास्थ्यकर्मीहरुलाई आकस्मिक रुपमा आएका क्रिटिकल विरामी कसरी बचाउने र त्यो बारेमा प्रयोगत्मक र ब्यवहारीक रुपमा तालिम दिएको उनले बताए । जोखिमपूर्ण कक्षमा कार्यरत स्वास्थ्यकर्मीहरुको लागि यो तालिमले ठूलो सहयोग पुग्ने उनले बताए ।

विशेषगरी आकस्मिक कक्ष, आईसियु, सिसियूयु, क्रिटिकल विरामी राख्ने ठाउँमा कार्यरत १५ जना स्वास्थ्यकर्मीहरूको तालिममा सहभागि रहेको थियो । सो तालिममा विराटनगर, धरान, झापादेखि स्वास्थ्यकर्मीहरूको सहभागिता रहेको थियो । यो तालिम काठमाण्डौं बाहिर पहिलो पटक विराटनगरमा गरिएको उनेल बताए । ‘यो कोर्ष गरेपछि संसारको जुनसुकै देशमा मान्यता पनि पाउनेछन्,’ डा. लिम्बुले भने, ‘यस्तो प्रकारको तालिम काठमाडौं बाहिर पहिलो पटक पूर्वी नेपालको विराटनगरस्थित न्युरो हस्पिटलमा गरिएको हो ।’
तालिमको सहजिकरण सेमाका निर्देशक डाक्टर अजय सिंह थापा र डा.दिलकुमार लिम्बूले गरेका थिए ।
एक दिन आठ घण्टा टे«निङ भएको छ । बीएलएसको बेसिकल्याब टे«निङ हुन्छ । दुई दिन एडभान्स कार्डियो भएको छ । ‘बीएलएस र एसीयलएस’ स्वास्थ्यकर्मीहरुले लिने तालिम भएको बताइएको छ ।

समापन कार्यक्रममा बोल्दै न्यूरो अस्पतालका संरक्षक, संस्थापक तथा प्रबन्ध निर्देशक डा. विरेन्द्र कुमार बिष्टले यस्तो तालिमले स्वास्थ्यकमीहरुलाई उपचारमा ठूलो सहयोग पुग्ने बताए ।