विराटनगर । विराटनगरमा जारी चौंथो संस्करणको मिल्स गोल्डकप फुटबल प्रतियोगितामा आज भएको अन्तिम क्वारटफाइ खेलमा पूर्व बिजेता गोलबजार स्पोर्टिङ क्लब गोलबजारले सुरुवाती अग्रता लिएको छ ।
पहिलो हाफमा कोशी प्रदेश प्रहरी कार्यालय रानी विराटनगरलाई १–० गोलले गोलबजारले सुरुवाती अग्रता लिएको हो ।
खेल सुरु भएको १२ औं मिनेटमा निशान्त लिम्बुले गोल गरी टिमलाई अग्रता दिलाएका छन् । डिबक्स भित्र सन्दिप लिम्बुले निकालिदिएको पासलाई गोलबजारका निशान्तले आकर्षक गोल गरे ।
आज जित्ने टिमले फाइनल प्रवेशको लागि घरेलु टिम पेमा युवा क्लब विराटनगरसँग खेल्नेछ ।
बुधबार हुने पहिलो सेमिफाइनल खेल सशस्त्र प्रहरी बल (एपीएफ ) पकली सुनसरी र कनकाई स्पोर्टिङ क्लब सुरुङगा झापाबीच हुनेछ ।
वैशाख १५ गते हुने फाइलनमा कोशी प्रदेशका ‘ए’ डिभिजनका टिमहरुको सहभागिता रहेको छ । प्रतियोगिताको विजेताले २ लाख ११ हजार १ सय र उपबिजेताले १ लाख ११ हजार १ सय रुपैयाँ पुरस्कार प्राप्त गर्ने मिल्स गोल्डकप फुटबल ट्रष्टका अध्यक्ष विष्णुं डंगोलले जानकारी दिए ।