विराटनगर । विराटनगर–११ मा रहेको सगरमाथा सेकेण्डरी स्कुलले एसइई परीक्षा दिने विद्यार्थीहरूलाई एक दिने अभिमुखिकरण तथा शुभकामना कार्यक्रम आयोजना गरेको छ ।
यस वर्षको एसइइ परीक्षा दिने १ सय २५ जना विद्यार्थीहरुलाई स्कुलले मंगलबार एक कार्यक्रम आयोजना गरी अभिमुखिकरण तथा शुभकामना कार्यक्रम आयोजना गरेको हो ।

परीक्षामा दिने विद्यार्थीहरुलाई कसरी परीक्षामा उत्कृष्ट नतिजा ल्याउन सकिन्छ त्यस विषयमा शिक्षकहरुले विद्यार्थीहरुलाई जानकारी गराए । परीक्षामा सामेल हुनेदेखि परीक्षाको मर्यादा कायम गर्ने, परीक्षामा दिएको प्रश्नहरुको हल कसरी गर्ने लगायतको विषयहरुको स्कुलले अभिमुखिकरण गर्नुका साथै शुभकामना दिएको स्कुलका प्रिन्सिपल त्रिलोचन गौतमलले बताए । विद्यार्थीहरुलाई स्कुलका प्रिन्सिपल गौतम, भाइस प्रिन्सिपल रोहिणी रमण दवाडी र शिक्षकहरुले अभिमुखिकरण तथा शुभकामना दिएका थिए ।
कार्यक्रममा बोल्दै स्कुलका प्रिन्सिपल गौतमलले वर्षभरीमा सिकेको ज्ञान व्यवहारमा उतार्दै उत्कृष्ट नतिजा ल्याउन विद्यार्थीहरुलाई शुभकामना दिए ।