विराटनगर । मन्जिना मुभिज क्रीयसनको आयोजनामा शिक्षाका लागि संगीत कार्यक्रम सुरु भएको छ । हरेक बर्ष आयोजना गरिने लक्ष्यका साथ उक्त कार्यक्रम सुरु भएको हो ।

विराटनगरको सरस्वती माविमा शुक्रबार संगीतिक कार्यक्रम आयोजना गरी यो अभियान सुरु भएको छ । विराटनगर ९ नम्बर वर्डाको विशेष प्रबद्र्धनमा यो कार्यक्रम भएको छ । कार्यक्रम लाई सफल बनाउन विशेष सहयोग नेपाल पुस्तक तथा स्टेसनरी ब्यवसायी महासंघ मोरङले गरेको छ ।

सोही अवसरमा विद्यालयका विद्यार्थीहरुलाई शैक्षिक तथा खेलकुद सामाग्री पनि बितरण गरिएको छ । कार्यक्रममा बोल्दै विराटनगर ९ का वडाअध्यक्ष विश्वनाथ भगतले यस्तो कार्यक्रमले विद्यार्थीको क्षमता अभिवृद्धी गर्ने बताए । यस्तो संगीतिक कार्यक्रमलाई निरन्तार दिएर अगाडी बढनुपर्ने उनले बताए । आयोजक मन्जिना मुभिज क्रीयसनका निर्देशक जतिम ताम्राकारले शिक्षा सँगै खेलकुद कार्यक्रमलाई पनि अगाडी बढनुपर्ने बताए । विद्यार्थीहरुलाई मनोरञ्जन सँगै स्वास्थ्यको लागि खेलकुद अपरिहार्य रहेको उनले बताए ।