विराटनगर । नेपाल वन निगम लिमिटेड शाखा कार्यालय विराटनगरले नयाँ घर निमार्ण गर्नेलाइ काठ दिने भएको छ ।
नेपाल वन निगम लिमिटेड शाखा कार्यालय विराटनगर अन्तर्गत विक्री डिपो विराटनगरबाट नयाँ घर र पुरानो घर निमार्ण गर्नेलाई सिमित कोटो तोकेर काठ वितरण गर्ने भएको हो ।
डिपोले राष्ट्रिय वन जंगलबाट उत्पादन भएको गोलिया काठबाट उत्पादित साल चिरान काठ भयाल, ढोका एवं फर्निचर निर्माणको लागि नयां घर निर्माण प्रयोजनको लागि १५० क्यू.फि. र पुरानो घर निर्माण तथा मर्मत प्रयोजनको लागि २५ क्यू.फि. चिरान काठ सहुलियत दरमा विक्री वितरण भई रहेको सूचना जारी गरेको छ ।
चिरान काठ लिन इच्छुकले नेपाल वन निगम लिमिटेडले माग गरेको कागजात लिई सम्बन्धीत स्थानमा सम्पर्क गर्न आग्रह गरेको छ ।
नयां घर निर्माणको लागि स्वीकृत घर नक्साको प्रतिलिपि, स्थानीय तहले घर बनाउन दिईएको इजाजत पत्र (२ वर्ष ननाघेको), जग्गा धनि पूर्जाको प्रतिलिपिका साथै तिरो तिरेको रसिद, नागरिकताको प्रतिलिपि, पुरानो घर मर्मतको लागि नागरिकताको प्रतिलिपि, जग्गा धनि पूर्जाको प्रतिलिपि का साथै तिरो तिरेको रसिद माग गरेको छ ।