विराटनगर । राष्ट्रिय टी–२० क्रिकेट प्रतियोगितामा कोशी र सुदुरपश्चिम प्रदेश विजयी भएको छ । विराटनगरको बैजनाथपुर क्रिकेट रंगशालामा मंगलबारदेखि सुरू भएको प्रतियोगिताको पहिलो खेलमा कोशीले कर्णाली प्रदेशलाई ३८ रनले पराजित गरेको हो ।
टस जितेर पहिले ब्याटिङ गरेको घरेलु टिम कोशी प्रदेशले निर्धारित २० ओभरमा ८ विकेट गुमाई १ सय ४० रनको योगफल बनाएको थियो । कोशीका लागि कप्तान अंकित सुवेदीले ३६ बलमा १ छक्का र ६ चौका प्रहार गरि ४६ रन पारी खेल्दा सुजन थपलियाले ३८ रन, समिर कार्कीले २० रन , दिपेश कंडेलले १४ रन बनाए ।
कर्णालीका अनुज चनाराले २ विकेट, प्रकाश जोशी, युनिस ठकुरी, दिवान पुन, दिनेश अधिकारी र दिपेन्द्र रावतले समान १–१ विकेट लिए ।

१ सय ४१ रनको लक्ष्य पाएको कर्णाली १८ दशमलव ३ बलमा सवै विकेट गुमाई १ सय २ रनमा सिमित भयो । कर्णालीका हिमान्सु सुवेदीले सर्वाधिक ३४ रन, दिनेश अधिकारीले ११ र दिवान पुनले १० रन बनाए । कोशीका म्यान अफ द म्याच दिपेश कंडेलले ३ विकेट लिँदा श्रवण यादवले पनि ३ विकेट लिए । त्यस्तै फिर्दोस अन्सारीले २ विकेट लिए ।
सोही दिन भएको दोस्रो खेलमा सुदुरपश्चिम प्रदेशले गण्डकी प्रदेशलाई ४० रनले पराजित गर्यो । टस जितेर ब्याटिङ गरेको सुदुरपश्चिमले निर्धारित २० ओभरमा २ विकेट गुमाई १ सय ७२ रन विशाल स्कोर खडा गर्यो । सुदुरपश्चिमका म्यान अफ द म्याच नरेश भट्टले बिस्पोटक ब्याट्रिङ गर्दै अर्धसतक कटाए । उनले ४६ बलमा १ छक्का र ७ चौका प्रहार गरि ६२ रन पारि अविजित खेल्दा, किरण ठगुनाले २० बलमा ५ छक्का र ३ चौका हिर्काउँदै अविजित ५३ रन र खडक बोहोराले ४१ रन बनाए । गण्डकीका अमित गुरुङ र सन्दिप क्षेत्रीले १–१ विकेट लिए ।
१ सय ७३ रनको विजयी लक्ष्य पछ्याएको गण्डकीलले १७ दशमलव ४ बलमा सवै विकेट गुमाई १ सय ३२ रनमा सिमित भयो। गण्डकीका लागि दिपक डुम्रेले ३० बलमा १ छक्का र ६ चौका प्रहार गरि ४० रन पारी खेल्दा श्वर क्षेत्रीले १८ रन, समिर कंडेलले १४ रन, सन्दीप क्षेत्रीले १२ रन र गोविन्द विकले ११ रनको योगदान दिए । सुदुर पश्चिमका हेमन्त धामीले ३ विकेट लिँदा नारायण जोशी, शेर मल्ल र नरेन साउदले समान २–२ विकेट लिए ।
चैत्र ३ गतेसम्म सञ्चालन हुने प्रतियोगितामा सातै प्रदेश र तीन विभागिय टोली गरि १० टिम सहभागि हुने मोरङ जिल्ला क्रिकेट संघका अध्यक्ष महमद साद बाबु कुरेसीले बताए । प्रतियोगिताका विजेताले ५ लाख रुपैया र उपविजेताले ३ लाख रुपैया प्राप्त गर्नेछ ।