राशिफल

प्रदेश १ : तत्काल प्रदेशसभा बैठक बेलाउन प्रमुख प्रतिपक्षी एमालेको माग

 न्यूज विराट
प्रदेश १ : तत्काल प्रदेशसभा बैठक बेलाउन प्रमुख प्रतिपक्षी एमालेको माग

विराटनगर, १२ माघ । प्रदेश १ को प्रमुख प्रतिपक्षी दल नेकपा (एमाले) ले तत्काल प्रदेशसभा बैठक बोलाउन माग गरेको छ । बुधबार बसेको एमाले संसदीय दलको बैठकले जनताका प्रदेशसभा बैठक तत्काल बोलाउन माग गरेको हो ।

प्रदेश १ का मुख्यमन्त्री राजेन्द्र राईले प्रदेशसभाबाट विश्वासको मत लिएपछि अहिलेसम्म प्रदेशसभा बैठक बस्न सकेको छैन ।

बुधबार प्रदेशसभास्थित दलको कार्यालयमा एमाले संसदीय दलको बैठक बसेको थियो । उक्त बैठकले विभिन्न सात बुँदे मागसहित प्रदेश सरकारको ध्यानाकर्षण गराएको छ ।

‘तीन महिना पुग्न लाग्दासमेत सरकारले संसद् बैठक बोलाएको छैन, जनताका समस्या त्यहाँ बोल्न पाउँ भन्ने माग गरेका छौँ । हिँजो हाम्रो सरकार र अहिलेको सरकारले तीन महिनामा गरेको गतिनिधिको छानविन गर्न समिति गठन गरेका छौँ’, एमाले प्रमुख सचेतक बुद्धिकुमार राजभण्डारीले भने, ‘अहिलेको परमादेशको टालाटुली सरकारले जनताको नाममा आएको बजेटलाई रोकेर मन्त्रालय विभाजन गर्ने बजार हल्ला छ, त्यसलाई चरितार्थ गर्न खोजेको हो भने त्यसविरुद्धमा जाने निर्णय गरेका छौँ ।’

उनले एमालेले आफ्नो नेतृत्त्वको सरकारले गरेका निर्णयलाई अहिलेको सरकारले जथाभावी खारेज गर्ने र एमाले संसदका क्षेत्रहरूमा विनियोजित बजेट कटौती गर्ने कार्यको गर्न खोजेकाले त्यसविरुद्ध शसक्त प्रतिपाद गर्नेसमेत निर्णय गरेको जानकारी दिए ।

सरकारले कोरोना खोपको गति बढाउन नसकेको र जनस्वास्थ्यमा ठूलो असर पुगेकोले खोपको समानुपातिक वितरणमा ध्यान दिनुपर्ने सदंसदीय दलको बैठकले निर्णय गरेको प्रमुख सचेतक राजभण्डारीले बताए ।

सम्बन्धित समाचार

जीवन विकासको गोल्डकपको उपाधि पशुपति क्बलको पोल्टामा

विराटनगर । जीवन विकास गोल्डकप रनिङ शिल्डको उपाधि पशुपति रिपोर्टिङ क्लब दादरबैरियाले जितेको छ ।मोरङको जहदा गाउँपालिका – ३ मा शनिवार सम्पन्न भएको फाइनलमा रानी फुटबल क्लब विराटनगरलाई १–० गोलले हराउँदै पशुपति रिपोर्टिङ क्लबले उपाधि...

किरण क्यालसिक बेकरीले उत्पादन गरेको पाउरोटीमा ढुसी भेटियो

विराटनगर । विराटनगर – ११ मा रहेको किरण क्यालसिक बेकरीले उत्पादन गरेको पाउरोटीमा ढुसी फेला परेको छ । म्याद सकिने मिति दुई दिन बाँकी रहेको पाउरोटीमा ढुसी परेको भेटिएको हो । विराटनगर – ५ चाँदनी...

रंगेलीको संसारीमाई मन्दिरमा प्रदेशस्तरीय फूलपाती बढाई हुदैँ, सम्पूर्ण तयारी पुरा (फोटोसहित)

विराटनगर, १४ असोज । विगतका वर्षहरुझैँ यसवर्षपनि मोरङको रंगेलीस्थित संसारीमाई मन्दिरमा भोली प्रदेशस्तरीय फूलपाती वढाई हुने भएको छ । पूर्वको प्रशिद्ध शक्तिपिठको रुपमा रहेको सो मन्दिरमा आगामी असोज १६ गते विहान साढे ९ वजे प्रदेश...

काममा जान्छु भनेको धामीको हत्या

विराटनगर । मोरङको सुनवर्षी नगरपालिका – ४ बटरबारीका एक जना धामीको हत्या भएको छ । ३२ वर्षीय अशोक कुमार यादवको हत्या भएको हो । हत्या गरिएको अवस्थामा शुक्रबार विहान सुनवर्षी नगरपालिका ४ बटरवारी जाने भित्री...