विराटनगर। मोरङ बुढीगंगा गाउँपालिका – ४ प्रगतिटोलमा एकै परिवारका दुईसहित ३ जना बालबालिकाको मृत्यु भएको छ । सुनसरी–मोरङ सिँचाइ योजनाको नहर हुँदै कोयलपुर जाने सडकखण्डमा मार्बल उद्योगको कच्चा पदार्थ ढुंगा बोकेको आरजे २९ जीबी १५६१ नम्बरको लरीमा लोड भएको टुङ्गा नहरसँगै जाडिएको ज्योति अधिकारीको घरमाथि पल्टिँदा तीन जनाको मृत्यु भएको हो ।

४ वर्षीया छोरी इसिता अधिकारी, छोरा निशान्त अधिकारी र ७ बर्षीया रिया खवासको मृत्यु भएको मोरङ प्रहरीका प्रवक्ता डिएसपी रन्जन कुमार दाहालले जानकारी दिए । मृतक इसिता र निशान्त ५५ बर्षीय ज्योती अधिकारीका जुम्लिया छोराछोरी हुन् । ज्योती पनि घाईते भएको प्रहरीले जनाएको छ ।
प्रहरीका अनुसार मृतक दाजुबहिनी घरको प्यासेजमा खेलीरहेका थिए । अर्की बालिका खवास भने पसलमा बावुसँग सामान किन्न पुगेकी थिइन् ।
शक्रबार विहान करिब साढे ७ बजे ज्योतीका जुम्ल्याहा छोराछोरी घरमै रहेको किराना पसल अगाडि खेलिरहेका थिए । ज्योती नहरको सडकसँगै जोडिएको छ । नहरको सडकमा कालोपत्रे गर्नका लागि गिटी बिछ्याइएको थियो ।
साघुरो सडकमा २४ सै घण्टा सवारी साधन कुदिरहन्थे । शुक्रबार विहान करिब साढे ७ बजे आर. जे. २९ जी.बी. १५६१ नम्बरको लरी कोशी राजमार्गको नेमुवाबाट कोयलपुर तर्फ जाँदै थियो । स्तरउन्नती भइरहेको सडकमा अप्ठ्यारो गरी आउँदै गरेको लरी अधिकारीको घर अगाडि आइपुगेपछि पल्टियो ।
लरी पल्टदा डालीमा लोड गरिएको ठूला मार्बल ढुंगाले तीन जना बालवालिकाहरुलाई ढुंगाले किचेरे घटनास्थलमै मृत्यु भएको प्रहरीले जनाएको छ ।